«Qazposhta» AQ shabýylǵa ushyraǵan fılıaldar jumysyn qalpyna keltirýde
Búgingi tańda «Qazposhta» AQ-nyń barlyq fılıaldarynyń jumysy qalpyna keltirildi. Olar shtattyq rejımde saǵat 09:00 – 17:00 aralyǵynda jumys isteıdi. Tek Almaty qalasyndaǵy poshta bólimsheleri ýaqytsha jabyq. Jambyl jáne Almaty oblystaryndaǵy bólimsheler saǵat 09.00-den bastap 15.00-ge deıin jáne sáıkesinshe 10.00 – 15.00 aralyǵynda qysqartylǵan rejımde jumys isteıdi.
Poshta bólimsheleri 10 qańtardan bastap ınternet baılanysy iske qosylǵan sátte zeınetaqylardy jáne járdemaqylardy berip keldi. «Qazposhta» AQ klıentteri aqshalaı qarajattaryn bólimshelerden jáne bankomattardan sheshe alady. Bankomattardy toltyrý jumystary júrgizildi.
Budan bólek, kompanııa poshta sálemdemelerin qabyldaýdy jáne óńdeýdi qalpyna keltirdi. Tótenshe jaǵdaı rejımi kezeńi aıaqtalǵansha sálemdemelerdi saqtaý tegin bolady.
«Sonymen birge «Qazposhta» AQ klıentterdiń nazaryna basqa mańyzdy faktorlarmen qatar Almaty qalasy áýejaıy reısteriniń jıiligi halyqaralyq, ishki, EMS jóneltilimderin jetkizý merzimderine áser etetinin jetkizedi. Bul Almaty áýejaıynda burynǵy ushý jıiligi qalpyna kelgenge deıin sálemdemeler men hattardy jetkizý merzimderi boıynsha keshigýler bolýy múmkin degendi bildiredi», - delingen mekeme habarlamasynda.
Aıta keteıik, jappaı tártipsizdikter kezinde «Qazposhta» AQ-nyń birneshe bólimshesine shabýyl jasalyp, qıratyldy. Atap aıtqanda: Qyzylorda qalasyndaǵy № 5, Almaty qalasyndaǵy № 18, 19, 31, 46, 36, 2, Taraz qalasyndaǵy № 4, 16 bólimsheler. Keıbirinde poshta jóneltilimderi urlanǵan, tólem termınaldary men jabdyqtary buzylǵan. Egjeı-tegjeıli shyǵyn tıisti aımaqtaǵy jaǵdaı turaqtalǵannan keıin naqtylanady.