«Qazposhta» AQ dırektorlar keńesiniń quramy ózgerdi

ASTANA. QazAqparat - «Qazposhta» AQ baspasóz qyzmeti kompanııa Dırektorlar keńesiniń quramy ózgergendigin habarlady.

«Samuryq-Qazyna» Ulttyq ál-aýqat qory» AQ basqarmasy «Qazposhta» AQ-nyń táýelsiz dırektory Tarıena Kalleniń, «Samuryq-Qazyna» AQ-nyń kommýnıkatsııalyq aktıvterdi basqarý jónindegi dırektory, jalǵyz aktsıonerdiń ókili Serik Saýdabaevtyń ókilettigin merziminen buryn toqtatty», - delingen habarlamada.

Sondaı-aq qor «Qazposhta»AQ Dırektorlar keńesi quramynyń sanyn 9 adam retinde aıqyndady. Keńeske múshe bolyp jalǵyz aktsıonerdiń múddesin qorǵaýshy retinde «Samuryq-Qazyna» AQ-nyń basqarýshy dırektory Nurjan Baıdáýletov, táýelsiz dırektorlar retinde Janat Berdalın, Dmıtrıı Jýkov jáne Oraz Jandosov saılandy.

Sheshim 2014 jyldyń 1 sáýirinen bastap kúshine endi.