Qaznettegi bos jumys oryndary enbek.kz portalynda biriktiriledi

ASTANA. QazAqparat - Ǵalamtordaǵy qoljetimdi barlyq derekter, Qazaqstandaǵy jumys izdeýshiler men bos jumys oryndary týraly enbek.kz portalynda biriktiriledi. Bul týraly «Eńbek resýrstaryn damytý ortalyǵy» AQ-nyń prezıdenti Dáýlet Arǵyndyqov málim etti, dep habarlaıdy QazAqparat Eńbek jáne halyqty áleýmettik qorǵaý mınıstrliginiń baspasóz qyzmetine silteme jasaı otyryp.

«Enbek.kz» portaly arqyly bos oryndar týraly aqparatty jetkizý úshin jumyspen qamtý zańnamasyna ózgerister engizý qarastyrylǵan. Bul tolyǵymen qaǵazbastylyqty joıyp, bıznes jumysyn jeńildetýge múmkindik beredi. Portal jumyspen qamtý ortalyqtary men jeke agenttikterdiń qoljetimdi laýazymdarǵa mamandar tabýyna óz yqpalyn tıgizedi. Biz qazirdiń ózinde portaldyń ǵalamtor keńistiginde izdeýshiler men izdenýshiler jaıly málimetterdiń barlyǵyn bir jerge toptastyrǵaly jatyrmyz», - dedi D.Arǵyndyqov.
Mınıstrliktiń baspasóz qyzmeti habarlaǵandaı, «Jumys. Bos oryndar» tematıkasy boıynsha, Zero.kz  ınternet-statıstıka servısiniń qazaqstandyq reıtınginiń derekterine júginsek, enbek.kz portaly Qazaqstan boıynsha birinshi orynda.