Kazneb.kz: Ulttyq elektrondy kitaphana qoljetimdi bola tústi
«Búgingi tańda mınıstrliktiń Instagram jelisindegi «Oqyrman kitaby qandaı?» atty qazaqstandyq mádenıet qaıratkerleri bastap, Memleket basshysy qoldaý kórsetken chellendj oqyrmannyń rızashylyǵyn tapty. Sol arqyly árkim ózi oqyp jatqan kitaptardy, gazetter men jýrnaldardy jarııalap, chellendjdi basqa adamǵa joldaıdy. Sol sekildi ýaqytyn kitap oqyp ótkizgisi keletinder úshin www.kazneb.kz (https://kazneb.kz/) portalynda 24/7 rejıminde Qazaqstannyń ulttyq elektrondy kitaphanasy jumys istep keledi. Ol árbir qazaqstandyq úshin turatyn jerine qaramastan qoljetimdi», - dedi Mádenıet jáne sport mınıstri Aqtoty Raıymqulova OKQ-da onlaın rejımde ótken baspasóz máslıhatynda.
Budan basqa, Mádenıet jáne sport mınıstrligi «Qazaqtelekom» AQ-men birlesip ázirlegen «Karantındegi juldyz» onlaın-jobasyna kórermen tarapynan jaǵymdy pikirler aıtylyp, jazylyp jatqanyn tilge tıek etti.
«Joba iske qosylǵan sátten bastap qazaqstandyq óner juldyzdarynyń qatysýymen 15 mıllıon kórermenge deıin qamtıtyn 30 onlaın-kontsert ótkizildi. Respýblıkalyq uıymdarmen qatar, óńirlerdegi mádenıet mekemeleri de on-line formattaǵy is-sharalardy iske asyra otyryp, shyǵarmashylyq qyzmette jańa tynys alyp keledi. Jalpy, karantın bastalǵaly búkil respýblıka boıynsha online rejımde shamamen 15 myń is-shara ótkizilip, olardy shamamen 30 mln adam qarady. Júrgizilgen taldaýlar bizdiń azamattarymyzdyń júzege asyrylyp jatqan ár túrli janrlyq joba men is-sharaǵa qyzyǵýshylyq tanytatynyn kórsetti. Máselen, bir ǵana onlaın-kontsert 1 mıllıon adamǵa deıingi aýdıtorııany jınaıdy», - dedi ol.