«QazMunaıGaz» jyl saıyn qaıyrymdylyq pen demeýshilikke 5 mlrd. teńgeden astam qarjy jumsaıdy

ASTANA. 23 jeltoqsan. QazAqparat - Jańa jyl meıramy qarsańynda «QazMunaıGaz» UK AQ Adam resýrstaryn basqarý jáne eńbekaqy boıynsha basqarýshy dırektory Serik Ábdenov, Astana qalasy mańynda ornalasqan «Svetoch» otbasy jáne otbasylyq qarym-qatynastar damýynyń qaıyrymdylyq ortalyǵy» qoǵamdyq qorynyń «Svetoch» balalar úıiniń hal-jaǵdaıymen tanysty. Bul týraly «Samuryq-Qazyna» UÁQ baspasóz qyzmeti habarlady.

«QMG ókili, balalar úıiniń 30 tárbıelenýshisine syılyqtar berip, kompanııamen 25 jeltoqsan kúni Táýelsizdik Saraıynda uıymdastyrylatyn jańajyldyq erteńgilikke shaqyrý bıletterin syılady. Sonymen qatar, syılyqtar men shaqyrýlar «Jas Ulan» mektebiniń 20 jetim balalaryna tabystaldy. Atalǵan qaıyrymdylyq aktsııasy ár jyl saıyn QMG-men ata-anasynyń qamqorynsyz qalǵan balalarǵa kórsetiletin qamqorlyq kómek baǵdarlamasynyń aıasynda iske asyrylady, jáne bolashaqta da basty nazarda ustalatyny anyq», - delinedi habarlamada.

Jalpy aıtqanda, «QazMunaıGaz» múgedek, ata-ana qamqorynsyz qalǵan jáne daryndy balalarǵa qoldaý kórsetý máselesine úlken kóńil bóledi. Buǵan dálel, «Svetoch» balalar úıi QMG qamqorlyǵyn osymen 14 jyl boıy kórip keledi. Jyl saıyn «SOS Qazaqstannyń balalar aýyldary» korporatıvtik qoryna, «Shyǵarmashylyq pedagogıka» qoǵamdyq qorynyń «Intellektýaldy olımpıada» telejobasyna (QMG 2002 jyldan bas demeýshi), «KAZENERGY» qoǵamdyq qorynyń Safı Ótebaeva atyndaǵy stıpendııa jáne grantyna jáne basqa da birqatar bilim berý jobalaryna demeýshilik (qaıyrymdylyq) kómek jasalady.

Ótken jyly QMG-men jalpy somasy 5,2 mlrd. teńge kóleminde demeýshilik jáne qaıyrymdylyq kómek kórsetildi. Aǵymdaǵy jyly, jumystar 5,1 mlrd. teńge kóleminde josparlanǵan.