“QazMunaıGaz” tobyna kiretin kompanııalar Almaty qalasy boıynsha 180 mıllıard teńgeniń taýar men qyzmetin satyp alý týraly kelisim jasady
17:02, 11 Jeltoqsan 2009
ALMATY. Jeltoqsannyń 11-i. QazAqparat /Erlik Erjanuly/ - "QazMunaıGaz" tobyna kiretin kompanııalar satyp alǵan taýar men qyzmettegi qazaqstandyq úles 75 paıyzdy quraıdy.
Ony "QazMunaıGaz" UK" AQ-nyń basqarýshy dırektory Nurlan Saýranbaev búgin Almatyda ótken "Memlekettik tapsyrys-2010" aktsııasy aıasynda ótken alqaly basqosýda aıtty, dep habarlaıdy QazAqparat.
"QazMunaıGaz" tobyna kiretin kompanııalarda taýar men qyzmet túrlerin satyp alýdaǵy jasalǵan kelisimder kólemi 427 mıllıard 667 mıllıon teńge boldy. Onyń 320 mıllıardy nemese 75 paıyzy qazaqstandyq úles. Qazirgi tańda deıin tólem somasy 225 mıllıard teńgeni qurap otyr", deıdi Nurlan Ermekuly.
"QazMunaıGaz" UK" AQ-nyń basqarýshy dırektorynyń aıtýynsha, satyp alynǵan taýar men qyzmet túrleriniń shırek bóligi Almaty qalasynyń úlesine tıedi. 427,6 mıllıard teńgeniń jalpy satyp alý kelisimderiniń 180 mıllıardy Almaty qalasy boıynsha jasaldy.