«QazMunaıGaz» respýblıka boıynsha 10 000 astam aǵash otyrǵyzdy

<p>AQTAÝ. KAZINFORM - Aqtaýda &laquo;Taza Qazaqstan&raquo; jalpyulttyq ekologııalyq aktsııasyna Mańǵystaý oblysynyń ákimi Nurdáýlet Qılybaı jáne &laquo;<a href="https://t.me/kmgpress/4965" target="_blank" rel="noopener">QazMunaıGaz</a>&raquo; UK AQ Basqarma tóraǵasy Ashat Hasenov qatysty.</p>

QazMunaıGazdyń búgingi jasyl jelek otyrǵyzý boıynsha ekoaktsııasy Mańǵystaý, Atyraý, Batys Qazaqstan, Aqtóbe, Pavlodar jáne Qyzylorda oblystaryndaǵy 28 kásiporyndy qamtydy. Astana, Aqtaý, Atyraý, Shymkent, Oral jáne Jańaózen qalalarymen birge irgeles eldi mekenderdiń jáne ken oryndarynyń aýmaqtarynda kógaldandyrý jumystary júrgizilýde.

Jalpy, búgingi sharaǵa «QazMunaıGaz» kompanııalar tobynyń 1400-den astam qyzmetkeri qatysty.

Foto: «QazMunaıGaz» AQ

— «QazMunaıGaz» aýqymdy ekologııalyq aktsııaǵa belsendi qatysyp, elimizdi kógaldandyrýǵa óz úlesin qosýda. Búgin QMG kompanııalar tobynyń qyzmetkerleri bir mezgilde elimizdiń ár túkpirinde 10 myńnan astam aǵash otyrǵyzdy», — dep atap ótti QMG basshysy.

Foto: «QazMunaıGaz» AQ

«QazMunaıGaz» ulttyq kompanııasy búkil respýblıka boıynsha jyl saıyn josparly túrde jasyl jelek otyrǵyzýdy júzege asyrýda. QMG-nyń kásiporyndary ornalasqan óńirlerde bıyl kóktemde 27 myń aǵash otyrǵyzyldy. Búgingi tańda egilgen jasyl jelektiń jalpy sany 37 myńnan asty.

Esterińizge sala keteıik, 2024 jylǵy sáýir aıynyń basynda QazMunaıGazdyń uıymdastyrýmen Aral teńiziniń qurǵaǵan ultanyndaǵy 15 myń gektar alqapqa 4,5 mln sekseýil kósheti otyrǵyzyldy.

Foto: «QazMunaıGaz» AQ