«QazMunaıGaz» Petromidia munaı óńdeý zavodynyń qýatyn 5 mln. tonnaǵa deıin arttyrý baǵdarlamasyn oryndaýǵa kiriskendigin habarlaıdy
2006 jyly bastalǵan Petromidia 2010 munaı óńdeý zavodyn jańartý baǵdarlamasy barysynda óndiris protsesine úsh jańa qondyrǵy, jumsaq gıdrokrekıng, sýtegi jáne kúkirt óndirisi ornatylyp, olar shoǵyrlandyrylǵannan keıin, 2012 jyldyń birinshi toqsanynda aıaqtalady.
«Ortalyq jáne Shyǵys Eýropada óz jumysyn odan ári arttyrý men shoǵyrlandyrýdy maqsat tutqan bul baǵdarlama The Rompetrol Group jáne onyń birden bir aktsıoneri - «QazMunaıGaz» UK AQ strategııasynyń bir bóligi bolyp tabylady. Sonymen qatar osy baǵdarlama kompanııanyń rentabeldilik jáne operatsııalyq nátıjeler boıynsha Eýropanyń 25 iri MÓZ qatarynan oryn alýyna yqpal etedi»,- dedi Rompetrol Rafinare-diń bas dırektory Arman Qaıyrdenov.
Negizgi paıdalaný qondyrǵysyn jańartý aıaqtalǵan soń Petromidia MÓZ óńdeý qýaty 5 mıllıon tonna shıkizatqa deıin jetkiziledi, sonymen qatar dızel otynyn syrtqa shyǵarý arta túsedi. Bul rette ónimniń 100 paıyzy Evro-5 standartyna saı keledi, al munaıdyń Urals markasyna tolyqtaı kóshýge múmkindik alýdyń nátıjesinde tehnologııalyq shyǵyn jáne qorshaǵan ortaǵa keri áser (zııandy qaldyqtardy saqtaý jáne olardyń atmosferaǵa tastalymy) azaıady, shıkizattyń ózindik quny tómendeıdi.
Sonymen qatar aǵymdaǵy jyly Rompetrol Rafinare gaz tazalaý qondyrǵysyn jańartýdan ótkizýdi, vakýýmdyq tazalaý qondyrǵysyn qaıta jańartýdy, dızel otynyn tazartý qondyrǵysyn dıstıllıatsııalaýdy, sondaı-aq azot óndirý jáne jańa shyraq júıesi qondyrǵysy qurylysyn jańadan salýdy josparlap otyr.
Qaıta jańartý jumystaryn lıtsenzıarlarmen, sondaı-aq IPIP Romania, UOP, Axens, Technip, Haldor Topsoe, LGI syndy jergilikti jáne halyqaralyq ınjınırıng kompanııalarymen yntymaqtasa otyryp, The Rompetrol Group-tyń bas merdigeri - Rominserv kompanııasy úılestirdi.
Sonymen qatar The Rompetrol Group jańartý baǵdarlamasyn qoldaý maqsatynda Petromidia platformasynda qosymsha jumystar júrgizdi. Olar - munaımen jabdyqtaýdy qamtamasyz etý úshin Qara teńiz jaǵalaýynda termınal salý, Midia portynyń №9 aılaǵy arqyly otyn (dızel otyny men benzın) jáne suıytylǵan munaı gazy jónindegi eksport áleýetin arttyrý, sondaı-aq rezervýar parkin jańartyp, avtomattandyrý.
Aǵymdaǵy jyly The Rompetrol Group 4,17 mln. tonna shıkizat (sonymen birge 3,94 mln. tonna munaı) óńdeýdi jáne 216 mln. AQSh dollary kóleminde ınvestıtsııany júzege asyrýdy josparlap otyr. Onyń ishinde 180 mln. AQSh dollary Petromidia munaı óńdeý zavodynyń qýatyn arttyrý baǵdarlamasyn oryndaýǵa jumsalady.