«QazMunaıGaz» ortalyq apparaty qaıta qurylymdaýdan ótti
Quramynda 239 enshiles jáne táýeldi kompanııa bar QMG-da qaıta qurýdyń qajettiligi iri enshiles kompanııalardyń («QazTransOıl», «QazTransGaz», «QazMunaıGaz-óńdeý jáne marketıng» AQ) bir-biriniń mindetterin qaıtalaýyna baılanysty qolǵa alyndy.
Qaıta qurylymdaý nátıjesinde QMG-da qyzmetti ońtaılandyrý úshin bıznes-baǵyttardyń árqaısysy boıynsha dıvızıondyq júıe engizildi. Mysaly, negizgi enshiles kompanııalardyń birinshi basshylary QMG Basqarmasynyń músheleri boldy, sondaı-aq basqarýshy dırektorlar laýazymy engizildi, QMG óndiristik bloktarynyń sany barynsha ońtaılandyryldy.
QMG basshylyq quramy mynadaı: Saýat Myńbaev, Basqarma tóraǵasy; Danııar Berlibaev, Basqarma tóraǵasynyń korporatıvtik ortalyq jónindegi orynbasary; Qaıyrgeldi Qabyldın, Basqarma tóraǵasynyń munaı tasymaly jónindegi orynbasary - «QazTransOıl» AQ Bas dırektory; Serik Sultanǵalı, Basqarma tóraǵasynyń gaz tasymaly jáne marketıng jónindegi orynbasary - «QazTransGaz» AQ Bas dırektory; Danııar Tıesov, Basqarma tóraǵasynyń munaı óńdeý jáne marketıng jónindegi orynbasary - «QazMunaıGaz» óńdeý jáne marketıng» AQ Bas dırektory; Nurtas Shmanov, Basqarma tóraǵasynyń servıstik jobalar jónindegi orynbasary.
Qaıta qurylymdaý nátıjesinde QMG-nyń ortalyq apparatynda birlestikter sany qysqartylyp, birqatar departamentter ataýy ózgertildi. Ortalyq apparattaǵy qyzmetkerlerdiń sany endi 376 adam qurady.
Qaıta qurylymdaý sheńberinde «QazMunaıGaz» janyndaǵy «Qazaq munaı jáne gaz ınstıtýty» AQ bir bóliginde ETU-da qoldanylatyn óndirý tehnologııasyn mindetti túrde saraptaıtyn jáne bekitetin quqyǵy bar Burǵylaý jáne óndirý tehnologııasy ǵylymı-zertteý ınstıtýty qurylady.
QMG Basqarma tóraǵasynyń barlaý jáne óndirý isine jetekshilik etý jónindegi birinshi orynbasary, aqparattyq tehnologııalar jónindegi basqarýshy dırektor qyzmetterine, sondaı-aq Burǵylaý jáne óndirý tehnologııasy ǵylymı-zertteý ınstıtýty dırektorlyǵyna sheteldik joǵary kásibı mamandar taǵaıyndalady. Basqarma tóraǵasynyń birinshi orynbasaryna óndiriletin aktıvter jónindegi basqarýshy dırektorlar, QMG-nyń bas geology jáne atalǵan ǵylymı-zertteý ınstıtýtynyń dırektory baǵynady jáne esep beredi.
QMG-nyń jańa qurylymy korporatıvtik basqarý jónindegi ozyq halyqaralyq standarttarǵa saı keledi jáne munaıgaz sektorynda biregeı saıasatty júzege asyra otyryp, QMG-nyń negizgi enshiles uıymdaryn tıimdi basqarýǵa múmkindik beredi.