«QazMunaıGaz Ónimderi», «Gelıos» jáne «Sinooil» JShS-laryna aıyppul salyndy

ASTANA. QazAqparat - Tabıǵı monopolııalardy retteý jáne básekelestikti qorǵaý komıteti (TMRBQK) 2015 jylǵy qyrkúıekte janar-jaǵar maı baǵalarynyń kóterilýine baılanysty monopolııaǵa qarsy den qoıý sharalaryn qabyldaý nátıjeleri boıynsha básekelestikti qorǵaý salasyndaǵy buzýshylyqtarǵa júrgizilgen tergep-tekserýler negizinde «QazMunaıGaz Ónimderi» JShS, «Gelıos» JShS jáne «Sinooil» JShS-ge qatysty ákimshilik is qozǵaldy, dep habarlaıdy vedomstvonyń baspasóz qyzmeti.

2016 jylǵy 1 maýsymda AI92/95 markaly benzınderdiń baǵasyn kóterý jáne ustap turý jónindegi básekelestikke qarsy kelisilgen  is-qımyldardy jasaýda baıqalǵan «Ákimshilik quqyq buzýshylyq týraly» QR Kodeksiniń  159-babynyń 2-bóligin buzý faktileri  boıynsha ákimshilik jaýapkershilikke «QazMunaıGaz Ónimderi» JShS tartylǵandyǵy týraly Astana qalasynyń mamandandyrylǵan  ákimshilik sotynyń qaýlysy zańdy kúshine endi. 

Bunyń aldynda «Gelıos» JShS jáne «Sinooil» JShS  osyǵan uqsas buzýshylyqtary úshin ákimshilik jaýapkershilikke tartylǵan. Olar 94 mln. teńgeden astam aıyppul tóledi.

«QazMunaıGaz Ónimderi» JShS tóleıtin soma 88 mln. teńgeden asady.