«QazMunaıGaz» óńdeý jáne marketıng» AQ 143 janarmaı quıý stansasyn kásipkerlerdiń basqarýyna berdi
Taratylǵan aqparatqa qaraǵanda, kompanııanyń transformatsııa baǵdarlamasynyń bir baǵyty «QazMunaıGaz» brendin saqtaı otyryp, janarmaı quıý stansalaryn jeke kásipkerlerge berý, munaı ónimderin jetkizý jáne sapa standartyn saqtaý bolyp sanalady. «QazMunaıGazdyń» 324 janarmaı quıý stansasynyń qazirgi ýaqytta 143-i básekelestik ortaǵa berildi. Bul rette basymdyq shaǵyn jáne orta bızneske berildi. Baǵdarlamanyń basty basymdyǵy - shyǵystardy azaıtý, kompanııa qyzmetiniń ashyqtyǵyn arttyrý. Odan ary «QazMunaıGaz» brendimen jumys isteýge beıildi jeke janarmaı quıý stansalaryn tartý josparlanyp otyr. Munaı óńde zaýyttaryn jańǵyrtý aıasynda óndiris tıimdiligin jáne munaı ónimderiniń sapasyn arttyrý úshin zamanaýı tehnologııalar engizilýde. Ónimniń jańa túrlerin shyǵarý qolǵa alynýda.