«QazMunaıGaz» ókili qazaqstandyqtardy ІRO-nyń atyn jamylǵan alaıaqtardan saq bolýǵa shaqyrdy

ASTANA. QazAqparat – «QazMunaıGaz» basqarma tóraǵasynyń ekonomıka jáne qarjy jónindegi orynbasary Dáýren Qarabaev qazaqstandyqtardy ІRO-nyń atyn jamylǵan alaıaqtardan saq bolýǵa shaqyrdy dep habarlaıdy QazAqparat tilshisi.

«Qazaqstandyqtarǵa alaıaq saıttar men moblıdi qosymshalar arqyly «QazMunaıGaz» kompanııasyna aqsha salyp, mol tabys tabýǵa bolatyny týraly habar taratyp jatqan alaıaqtar týraly eskertkim keledi. Mundaı feık saıttar tanymal adamdardyń atyn atap, keń taralǵan vıdeolardyń dybysyn jalǵan aýdıomen almastyryp qoldanady. Qazaqstandyqtardy saq bolýǵa shaqyramyz. Kompanııanyń búkil qyzmeti týraly senimdi aqparatty resmı saıtymyzdan alyńyzdar. Biz sol saıtta ІRO týraly búkil aqparatty jarııalap otyramyz», - dedi Dáýren Qarabaev.

Buǵan deıin IPO-ǵa shyqqannan keıin, «QazMunaıGaz» kompanııasy jylyna keminde 250 mıllıard teńge kóleminde dıvıdend tóleýdi josparlap otyrǵanyn jazǵan edik.