QazMunaıGaz ókili Kaspıı qubyr jelisindegi aqaýǵa qatysty pikir bildirdi
13:45, 25 Tamyz 2022
NUR-SULTAN. QazAqparat – Kaspıı qubyr konsortsıýmynyń munaı qubyryndaǵy aǵymdaǵy jóndeý jumystary «QazMunaıGaz» munaıynyń jóneltilýine jáne tasymaldanýyna áser etpeıtinin aıtty. Bul týraly «QazMunaıGaz» UK AQ basqarmasy tóraǵasynyń ekonomıka jáne qarjy jónindegi orynbasary Dáýren Qarabaev aıtty, dep habarlaıdy QazAqparat tilshisi.
«Samuryq-Qazyna» qorynyń Telegram kanalynda ótken brıfıng barysynda ol birinshi jartyjyldyqta Kaspıı qubyr konsortsıýmymen munaı tasymaldaý kólemi 2021 jylǵa qaraǵanda óskenin jetkizdi.
Aıta keteıik, 22 tamyzda Kaspıı qubyr jelisiniń eki kesheni tehnıkalyq aqaýlarǵa baılanysty jumys istemeı turǵany habarlanǵan edi.
Este bolsa, osy jyldyń 6 shildesinde Novorossııskiniń Prımorsk aýdandyq soty qujattyq zań buzýshylyqtar úshin «KTK-R» kompanııasynyń qyzmetin 30 táýlikke toqtatqan bolatyn.
11 shildede Krasnodar óńirlik soty Kaspıı qubyr konsortsıýmy jumysyn toqtata turý jónindegi sheshimdi ózgertip, aıyppulǵa almastyrdy.