«QazMunaıGaz» qyzmetkerler sanyn qysqarta ma

NUR-SULTAN. QazAqparat – «QazMunaıGaz» UK» AQ qyzmetkerlerin qysqartýdy josparlap otyrǵan joq. Bul týraly búgin QMG Basqarma tóraǵasynyń orynbasary Dáýren Qarabaev aıtty, dep habarlaıdy QazAqparat tilshisi.

«2021 jylǵa arnalǵan bıýdjet óndiristik, kúrdeli, ákimshilik shyǵyndardy eskere otyryp ázirlengen. Sondyqtan munan ary qysqartý kózdelip otyrǵan joq. Aǵymdaǵy bıýdjet barynsha teńgerimdi qalyptastyrylǵan. Soǵan oraı munaı baǵasy quldyrap ketken 2020 jyldyń basyndaǵydaı, koronavırýs pandemııasy taraǵan kezdegideı aýqydy qysqartý qazirgi ýaqytta josparlanyp otyrǵan joq», - dedi ol onlaın brıfıng barysynda BAQ ókilderiniń saýalyna oraı. .

Sonymen qatar ol kompanııa toptaryndaǵy qyzmetkerlerdi ońtaılandyrý máselesine de toqtalyp ótti.

«Óndiristik qyzmetkerlerdi qysqartqan joqpyz jáne qysqartýdy josparlaǵan da emespiz. Shyndyǵynda biz buǵan deıin bas keńse shtatyn, onyń ústine jalaqy mólsherin qysqartqan edik. «QazMunaıgaz» kompanılar toby boıynsha qyzmetkerler sanyn arttyrý nemese qysqartý kózdelmeıdi», - dedi Dáýren Qarabaev.