«QazMunaıGaz» kompanııasynyń 2013 jylǵy taza paıdasy 456,8 mlrd. teńgeni qurady

ASTANA. QazAqparat - «QazMunaıGaz» kompanııasynyń 2013 jylǵy taza paıdasy 456,8 mlrd. teńgeni qurady. Bul týraly búgin QR Úkimet basshysy Serik Ahmetovtiń qatysýymen ótken QR Munaı jáne gaz mınıstrligi alqasynyń keńeıtilgen otyrysynda «QazMunaıGaz» UK» AQ Basqarma tóraǵasynyń orynbasary Qurmanǵazy Isqazıev málim etti.

«2013 jyly «QazMunaıGaz» kompanııasynyń negizgi qyzmetinen túsken paıdanyń kólemi josparlanǵan deńgeıden 3 paıyzǵa artyq tústi jáne 107, 2 mlrd. teńgeni qurady. Buǵan munaı satýdan túsetin paıda kóleminiń artýy, sonyń ishinde munaı baǵasynyń kóterilýi jáne magıstraldi munaı tasymaly kóleminiń joǵarylaýy septigin tıgizdi. «QazMunaıGaz» kompanııasynyń 2013 jylǵy taza paıdasy 456,8 mlrd. teńgeni qurady. Bul kórsetkish josparlanǵan deńgeıden 37 paıyzǵa artyq. Bul negizinen munaı baǵasynyń joǵarylaýynan bolyp otyr», - dedi ol jyl qorytyndysyn shyǵarý barysynda.

Onyń sózine qaraǵanda, 2014 jyly Brent markaly munaıdyń baǵasy 94 teńge kóleminde saqtalatyn bolsa, «QazMunaıGaz» kompanııasynyń taza paıdasy 334 mlrd. teńge shamasynda bolady dep kútilýde.