«QazMunaıGaz» komıssııasy Atyraý munaıyn óńdeý zaýytyn tekserýdi bastady

<p>ATYRAÝ. KAZINFORM &mdash; &laquo;QazMunaıGaz&raquo; UK tarapynan qurylǵan arnaıy komıssııa Atyraý munaı óńdeý zaýytynda tekserý jumysyn bastady. Arnaıy komıssııa quramyna engen mamandar áleýmettik jelide jarııalanǵan kásiporyn týraly aqparatty jan-jaqty zertteıdi.</p>

«QazMunaıGaz» UK AQ basqarma tóraǵasynyń orynbasary Dmıtrıı Makeevtiń aıtýynsha, Atyraý munaı óńdeý zaýytynyń óndiristik, qarjy jáne quqyqtyq qyzmetine tolyq tekserý júrgiziletin bolady. Kompanııa barlyq týyndaǵan máseleni zaýyt qyzmetkerlerimen ashyq talqylaýǵa daıyn.

«Búgin kásiporynda óndiris máselelerine arnalǵan keńes ótkizdi. Jıynda zaýyttyń jumys istep turǵany jáne munaı ónimderin shtattyq rejımde jóneltip jatqany atap ótildi. Kompanııa tarapynan Atyraý munaı óńdeý zaýytynyń óndiristegi qyzmetkerleri úshin tıisti jaǵdaı jasaý úshin barlyq qajetti sharalar qabyldanyp jatyr. Arnaıy komıssııa qalyptasqan jaǵdaıdy obektıvti túrde qarastyrady. Kásiporyn ujymynyń búgingi tańdaǵy basty talaby — úzdiksiz óndiristi qamtamasyz etý jáne jóneltý qarqynyn saqtap qalý», -dedi Dmıtrıı Makeev.

Eske sala ketelik, budan buryn Atyraý munaı óńdeý zaýytyndaǵy jaǵdaı boıynsha jumys toby qurylǵanyn habarlanǵan edi.