QazMunaıGaz ken orynnyń 50% LÝKOIL-ǵa satady: Kelisim aıaqtalýǵa jaqyn

ASTANA. QazAqparat – «QazMunaıGaz» UK» AQ basqarma tóraǵasy Maǵzum Myrzaǵalıev «LÝKOIL» JAQ basshylyǵymen Kaspıı teńiziniń qaırańynda ornalasqan «Qalamqas-teńiz, Hazar, Áýezov» jobasy boıynsha ortaq is-qımyl týraly pikir almasty, dep habarlaıdy QazAqparat QMG saıtyna silteme jasap.

«Biz «Kalamkas-Khazar Operating» JShS úlesiniń 50 paıyzyn «LÝKOIL» kompanııasyna berý boıynsha korporatıvtik rásimderdiń sońǵy kezeńine keldik. Taraptar ózara túsinistik ornatqanyn jáne kelissóz barysynda kompanııalar ustanymyna qatysty kelispeýshilik bolmaǵanyn atap ótý kerek. Jobany iske asyrý kezeńinde de birlese jemisti jumys atqaratynymyzǵa senimdimin», - dep atap ótti M.Myrzaǵalıev.

Eske sala ketsek, 9 aqpanda Astanada «QazMunaıGaz» UK AQ jáne «LÝKOIL» JAQ Kaspıı teńiziniń Qazaqstan sektorynda «Qalamqas-teńiz, Hazar, Áýezov» jer qoınaýyndaǵy ýchaskeni ıgerý jobasy boıynsha kelisimge keldi. Taraptar Úleskerler kelisimine, «Kalamkas-Khazar Operating» JShS jarǵylyq kapıtalyndaǵy 50% úlesti satyp alý-satý shartyna jáne Úleskerlerdiń operator qyzmetin qarjylandyrý sharttary týraly qujattarǵa qol qoıdy.

Joba operatory «Kalamkas-Khazar Operating» JShS 2023 jyldyń 3-toqsanynda QR Paıdaly qazbalardy barlaý jáne ıgerý jónindegi ortalyq komıssııasyna ken oryndaryn ıgerý jobasyn usynyp, bekitýdi josparlap otyr.