«QazMunaıGaz» ІRO-syna 130 myń ótinim túsken

ASTANA. QazAqparat – QR Premer-Mınıstri Álıhan Smaıylov «QazMunaıGaz» ulttyq kompanııasy aktsııalary saýdasynyń ashylý saltanatynda sóz sóılep, ІRO-nyń aralyq qorytyndylary týraly málimet berdi, dep habarlaıdy QazAqparat tilshisi.

«Memleket basshysy Qasym-Jomart Toqaevtyń alǵa qoıǵan mindetterine sáıkes, ekonomıkadaǵy memleket úlesin ári qaraı tómendetý reformasy keshendi túrde jalǵasýda. Bul reforma eldiń ekonomıkalyq saıasatynyń mańyzdy baǵyttarynyń biri bolyp esepteledi.

Búgin biz jetekshi ulttyq «QazMunaıGaz» kompanııasynda ІRO ótkizýdiń kýási bolyp otyrmyz. Bul kompanıada elimizdiń 47 myńǵa jýyq azamaty jumys isteıdi», - dedi Úkimet basshysy.

Onyń málimeti boıynsha, ІRO-nyń jalpy kólemi 154 mlrd teńge bolyp otyr.

«Al berilgen ótinimderi sany shamamen 130 myń boldy. Qazaqstandyqtardyń úlesi jalpy ornalastyrylǵan aktsııalar kóleminiń 95 protsentin astamyn qurady. Bizdiń azamattarymyzdyń ótinishteri basym tártipte ári tolyqtaı qanaǵattandyryldy», - dedi Álıhan Smaıylov.

Buǵan deıin «QazMunaıGaz» ІRO-synan túsetin aqsha Ulttyq qorǵa aýdarylatyny habarlanǵan bolatyn.