«QazMunaıGaz» geologııalyq barlaý jumystaryn údetý úshin 5 mlrd. dollar jumsaıtyn bolady
Búgin «Nur Otan» partııasynyń Májilistegi fraktsııasy janyndaǵy Ekonomıkalyq saıasat keńesiniń otyrysynda Energetıka mınıstri Vladımır Shkolnık osylaı málim etti. Eske salaıyq, keńeste «Nur Otan» partııasy Saılaýaldy tuǵyrnamasynyń «Innovatsııalyq ekonomıka» baǵyty boıynsha máseleler talqylanǵan edi.
Sóz arasynda mınıstr «Jer qoınaýy týraly» jańa kodekstiń ázirlenip jatqanyn, atalmysh qujattyń geologııalyq barlaý jumystaryna tyń serpin beretinin atap ótti.
«Atalmysh kodeks jobasy geologııalyq barlaý jumystarynyń, onyń ishinde munaı men gazdyń jańa ken oryndaryn barlaýdyń aýqymyn keńeıtý úshin halyqaralyq yntymaqtastyqty damyta túsedi. Jaqyn aralyqtaǵy úsh jylda geologııalyq barlaý jumystarynyń qarqynyn údetý úshin «QazMunaıGaz» ulttyq kompanııasy 5 mlrd. dollar jumsaýdy josparlap otyr. Bul sharanyń ózi ulttyq kompanııanyń rastalǵan ken qoryn 823 mln. tonnadan, 2022 jylǵa qaraı 1, 4 mlrd. tonnaǵa deıin arttyrýǵa septigin tıgizbek», - dedi V. Shkolnık.