QazMunaıGaz-dyń jańa ınvestıtsııalyq qory týraly jalǵan aqparat tarady

NUR-SULTAN. QazAqparat – «QazMunaıGaz» kompanııasy janynan qurylǵan jańa ınvestıtsııalyq qorǵa aqsha salǵandar aıyna 3 000 dollarǵa deıin passıvti paıda tabady. Bul – jalǵan jarnama, dep habarlaıdy QazAqparat stopfake.kz telegram kanalyna siltem jasap.

«Qaznette Qasym-Jomart Toqaevtyń tapsyrmasy boıynsha «QazMunaıGaz» kompanııasy janynan qurylǵan jańa ınvestıtsııalyq qordyń jarnamasy belsendi túrde tarap jatyr. Shyn máninde, «QazMunaıGaz» kompanııasynyń da, QR Prezıdentiniń de bul «qorǵa» eshqandaı qatysy joq. Buǵan kompanııanyń resmı saıtyna kirip, kóz jetkizýge bolady. Qazaqstandyqtarǵa is júzinde joq qorlarǵa «ınvestıtsııa salý» buǵan deıin de birneshe ret usynylǵan. Jelide osyǵan uqsas jarnama HalykBank atynan taratylǵan bolatyn», - deıdi aqparatty tekserýshiler.