«QazMunaıGaz» «Dońǵa» jobasyndaǵy 60% úlesti satyp aldy

<p>&laquo;QazMunaıGaz&raquo; UK AQ (QMG) &laquo;TotalEnergies EP Danmark A/S&raquo; kompanııasynan (TotalEnergies enshiles uıymy) &laquo;Total E&amp;P Dunga GmbH&raquo; jarǵylyq kapıtalyndaǵy 100% aktsııasyn satyp alǵany jóninde málimdedi. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.kmg.kz/" target="_blank" rel="noopener">QMG saıtyna</a> silteme jasap habarlaıdy.&nbsp;</p>

Osylaısha, QMG «Dońǵa» jer qoınaýyn paıdalaný jobasynyń 60 paıyz úlesine ıelik etedi.

Atalǵan mámile buǵan deıin QMG men «TotalEnergies EP Danmark A/S» arasynda qabyldanǵan satyp alý-satý kelisimshartynyń aıasynda jasaldy.

Aıta keteıik, «Dońǵa» munaı-gaz ken orny Mańǵystaý oblysy Túpqaraǵan aýdanynda ornalasqan. Ken oryn 1966 jyly ashylǵan. «Dońǵa» jobasy ónimdi bólý týraly shart aıasynda iske asyrylyp keledi. Sharttyń qazirgi qatysýshylary — «Total E&P Dunga GmbH» (60%), «Oman Oil Company Limited» (20%) jáne «PTT Exploration and Production» (20%).

TotalEnergies – munaı jáne bıootyn, tabıǵı gaz ben jasyl gazdar, jańartylatyn energııa men elektr energııasyn óndiretin, satatyn jahandyq mýltıenergetıkalyq kompanııa.

2002 jyly qurylǵan «QazMunaıGaz» ulttyq kompanııasy» AQ elimizdiń munaı-gaz salasynda Qazaqstannyń múddesin qorǵaıdy.