QazMunaıGaz bolashaq urpaqtyń bilim alýyna úles qosady

<p>Jaqynda ótken Respýblıkalyq pedagogter sezinde el Prezıdenti Qasym-Jomart Toqaev óskeleń urpaqty ozyq standarttarǵa saı tárbıeleý men oqytý jóninde mindetter qoıdy. Osy oraıda, &laquo;QazMunaıGaz&raquo; UK AQ (QMG) qoldaýymen júzege asyp jatqan áleýmettik bastamalar ishinde &laquo;Jarqyn bolashaq&raquo; jobasy erekshe kózge túsedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

QMG Basqarma tóraǵasy Maǵzum Myrzaǵalıev jáne Jańaózen kásipodaqtary men eńbek ujymdarynyń ókilderi 14 qazanda daryndy balalarǵa arnalǵan «IQanat High School of Burabay» mektep-ınternatyna (Şýchınsk q., Aqmola oblysy) irikteýden ótip, «Jarqyn bolashaq» jobasy boıynsha bilim alyp jatqan Mańǵystaý oblysynyń oqýshylarymen kezdesti.

Foto: QMG

QMG basshysy kezdesýde oqýshylarǵa bilim alýǵa degen umtylysy úshin alǵys aıtyp, osy jolda tabys tiledi. Jınalǵan balalardyń qoshemetimen IQanat mektebine syılyq retinde National Geographic jýrnalynyń qazaq tilindegi basylymyna 6 jylǵa jazylý sertıfıkatyn tabystady.

«QazMunaıGaz» áleýmettik jaýapty kompanııa retinde «Jarqyn bolashaq» jobasy arqyly keleshek urpaqtyń bilim alýyna óz úlesin qosyp keledi. Biz balalarǵa túrli baǵytta suranysqa ıe mamandyqtardy ıgerip, sapaly bilim alýǵa múmkindik berýdi jalǵastyramyz. Kelesi jyly joba aýqymyn keńeıtip, 600 oqýshyny qamtýdy josparlap otyrmyz», - dedi M.Myrzaǵalıev.

Qazirgi ýaqytta Býrabaı kýrortynda ornalasqan IQanat mektebiniń ózinde «QazMunaıGazdyń» qarjylaı qoldaýymen Mańǵystaý oblysynan 101 oqýshy bilim alyp jatyr, onyń 70-i Jańaózen qalasynan.

Jalpy, el boıynsha «Jarqyn bolashaq» jobasy boıynsha 449 oqýshynyń bilim alýyna qarjy bólinip otyr.

Foto: QMG

Bıylǵy oqý jylyndaǵy alǵashqy synaqtyń nátıjesi mańǵystaýlyq oqýshylardyń geografııa, ınformatıka, geometrııa, qazaq ádebıeti, qazaq jáne orys tilderi sııaqty pánderden úlgerimi jaqsy ekenin kórsetti.

«IQanat mektebine oqýǵa túskenimizge óte qýanyshtymyz. Mektep ǵımaraty zamanaýı, tabıǵaty keremet. Oqý barysy da qyzyq, sabaqtardy erekshe ótedi. Kún saıyn jańa nárse úırenemiz. «Jarqyn bolashaq» baǵdarlamasyn oılap tapqandarǵa rahmet», - deıdi Jańaózen qalasynan kelgen Naýryzbaev Shyńǵys.

Bıylǵy oqý jylynda Jańaózen qalasynyń oqýshylarymen qatar, QMG kásiporyndary ornalasqan Mańǵystaý oblysynyń ózge de aýdandarynyń, atap aıtqanda, Mańǵystaý, Munaıly jáne Qaraqııa turǵyndary da elimizdiń úzdik bilim berý mekemelerinde oqýǵa múmkindik aldy.

Daryndy balalar elimizdiń úzdik orta jáne arnaýly orta bilim berý mekemelerinde polıtehnıkalyq, kólik, ekonomıkalyq, tehnologııalyq, gýmanıtarlyq, sport jáne basqa da mamandyqtar boıynsha bilim alady.

Foto: QMG