«QazMunaıGaz» BÓ» AQ ótken jyly 12 191 myń tonna munaı óndirdi
bul 2011 jylmen salystyrǵanda 150 myń tonnaǵa, nemese 1 paıyzǵa kem, dep habarlady kompanııanyń baspasóz qyzmetinen.
«Ózenmunaıgaz» AQ (ÓMG) 4 950 myń tonna (táýligine 100 myń barrel) munaı óndirdi, bul ótken jylmen salystyrǵanda 131 myń tonnaǵa az. «Embimunaıgaz» AQ (EMG) 2 816 myń tonna (táýligine 57 myń barrel) óndirdi, bul 2011 jylmen salystyrǵanda esh ózgerissiz. ÓMG jáne EMG jalpy óndirý kólemi 7 766 myń tonnany qurady (táýligine 156 myń barrel).
QMG BÓ-niń CCEL, QGM jáne PQI kompanııalaryndaǵy óndirý úlesi 2012 jyly 4 425 myń tonnany (táýligine 90 myń barrel) qurady, bul 2011 jylmen salystyrǵanda esh ózgerissiz, atalǵan birlesken kásiporyndardaǵy óndirý josparyna sáıkes keledi.
2012 jyly ÓMG jáne EMG munaıyn satýdyń eksporttyq kólemi 6 091 myń (táýligine 122 myń barrel), al ishki naryqqa jetkizilimder 1 646 myń tonnaǵa (táýligine 33 myń barrel) jetti. CCEL, QGM jáne PQI kompanııalaryndaǵy satýda QMG BÓ úlesi kompanııanyń jalpy satý kóleminiń 78%-yn quraıtyn, eksportqa qoıylǵan 3 428 myń tonna munaıdy (táýligine 71 myń barrel) qosa eseptegende, 4 410 myń tonnany (táýligine 92 myń barrel) qurady.