«QazMunaıGaz» bıyl qandaı kólemde munaı óndiretinin jarııalady
«OPEK+ aıasyndaǵy shekteýlerdiń «QazMunaıGaz» kompanııasyna da qatysy bar. Biz aısaıyn qansha munaı kólemin óndiretinimizdi salanyń retteýshisi – Energetıka mınıstrligimen kelisip otyramyz. Qazirgi ýaqytta jaǵdaı jyldam ózgerip turady. Soǵan oraı jalpy óndirý kólemi qansha bolatyndyǵyn aıtý óte qıyn. Degenmen, onyń 2020 jylǵy deńgeıge taıaý bolatyndyǵyn kútemiz. ıAǵnı, QazMunaıGazdyń iri jobalardaǵy úlesin esepke alǵanda shamamen 21-22 mln tonna bolmaq», - dedi QMG Basqarma tóraǵasynyń orynbasary Dáýren Qarabaev onlaın brıfıng barysynda BAQ ókilderiniń saýalyna oraı.
Buǵan deıin habarlaǵanymyzdaı, kompanııanyń túsimi 2019 jylǵy 6 859 mlrd teńgemen salystyrǵanda, 2020 jyly 4 556 mlrd teńgeni qurady. EBITDA kórsetkishi 1 151 mlrd teńge boldy. Kompanııanyń taza paıdasy 172 mlrd teńgege jetti. Bos aqsha aǵyny 88 mlrd teńgeni qurady. 2020 jylǵy 31 jeltoqsanda kompanııanyń taza qaryzy 6 162 mln AQSh dollarǵa jetip, 2019 jyldyń sońyndaǵy kórsetkishpen salystyrǵanda 0,2 paıyzǵa tómendedi. Taza qaryz 2019 jylǵy 31 jeltoqsandaǵy kórsetkishpen salystyrǵanda 2020 jylǵy 31 jeltoqsanda 3,4 paıyzǵa tómendep, 9 690 mln AQSh dollaryn qurady.