QazMunaıGaz ben CNPC Qyzylorda oblysynda geologııalyq barlaý jumystaryn kúsheıtýde

<p>QYZYLORDA. KAZINFORM - Qyzylordada geologııalyq barlaý jáne ken oryndarynda munaı óndirýdi arttyrý taqyrybyna arnalǵan II tehnıkalyq semınar bastaldy, dep habarlaıdy &laquo;QazMunaıGaz&raquo; UK AQ <a href="https://t.me/kmgpress/5098" target="_blank" rel="noopener">baspasóz</a> qyzmeti.</p>

Іs-sharaǵa Qyzylorda oblysynyń ákimi Nurlybek Nálibaev,

Foto: «QazMunaıGaz» AQ baspasóz qyzmeti

UK AQ Basqarma tóraǵasy Ashat Hasenov, Energetıka vıtse-mınıstri Qudaıbergen Arymbek, Qytaı ulttyq munaı-gaz korporatsııasy (CNPC) bas dırektorynyń orynbasary Chjan Daoveı, CNODC bas dırektory He Venıýan jáne saladaǵy jetekshi sarapshylar qatysty.

Munaı-gaz salasyndaǵy máselelerdi talqylaý alańy retinde Qyzylorda oblysynyń tańdalýy kezdeısoq emes. Aımaqta munaı óndirisi negizgi ken oryndarynda qordyń sarqylýyna baılanysty azaıa túsýde. 2013 jyly Qyzylorda oblysynda munaı óndirý deńgeıi 11 mln tonna bolsa, 2023 jyly 4 mln tonnadan az munaı óndirildi. Boljam boıynsha, bıyl munaı óndirý kólemi shamamen 3%-ǵa deıin tómendeıdi (bıyl 3,6 mln tonna munaı óndiriletin bolady, bul 2023 jylmen salystyrǵanda 100 myń tonnaǵa az).

Geologııalyq barlaý jumystaryn arttyrý, jańa aýmaqtardy zertteý, munaı qorlaryn tolyqtyrý jáne ınnovatsııalyq tehnologııalardy engizý maqsatynda QMG óńirdegi negizgi seriktesteriniń biri CNPC-men birlesip jumysty jandandyrady.

Foto: «QazMunaıGaz» AQ baspasóz qyzmeti

Ashat Hasenov Ońtústik Torǵaı munaıly-gazdy atyrabynyń damý múmkindigi zor, tereń zertteýlerdi qajet etetinin atap ótti. «Shógindi basseınderdi keshendi zertteý» derekteri boıynsha Ońtústik Torǵaı alabynyń qory 3,2 mlrd tonnadan asady dep boljanady. Kómirsýtekter qoryn tolyqtyrý basty máselelerdiń biri. Bul tolyq aýqymdy geologııalyq barlaý jumystary men halyqaralyq áriptestermen yntymaqtastyqta jańa tehnologııalardy qoldaný arqyly múmkin bolmaq.

«Ońtústik Torǵaı munaıly-gazdy atyraby — geologııalyq barlaý júrgizý úshin jańa ári perspektıvaly, zertteý men ınnovatsııalyq tásildi talap etetin óńirlerdiń biri. Paleozoı shógindileriniń tereń qabattaryn zertteý arqyly kómirsýtek qoryn tolyqtyrý — bizdiń basty mindetimiz. Bul — tyǵyz yntymaqtastyq pen ozyq tehnologııalardy talap etetin kúrdeli, biraq oryndaýǵa bolatyn jumys», — dep atap ótti Ashat Hasenov.

Jańa ken oryndaryn ashý úshin geologııalyq barlaý kókjıegin Soltústik Torǵaı, Shý-Sarysý jáne Syrdarııa tárizdi az zerttelgen basseınderge deıin keńeıtý qajet.

«QazMunaıGaz» ulttyq kompanııa retinde resýrstyq bazany damytýǵa erekshe kóńil bóledi, onyń ishinde Qyzylorda óńiri de bar. Bıyl mamyr aıynda QMG Torǵaı paleozoı ýchaskesinde óz qarajatyna 5500 metr tereńdikte uńǵymany burǵylaýdy bastady. Buryn bul aımaqta dál osyndaı tereńdikte uńǵyma burǵylanǵan emes.

Foto: «QazMunaıGaz» baspasóz qyzmeti

Semınar alańynda «QazMunaıGaz» UK AQ jáne CNODC (CNPC enshiles kompanııasy) qupııalylyq týraly shartqa jáne Kaspıı mańy basseıniniń shyǵys bort ýchaskesiniń geologııalyq barlaý áleýetin birlesip zertteý josparyna qol qoıdy.

Zertteý nátıjeleri boıynsha geologııalyq barlaý jumystary júrgiziletin ýchaskeler aıqyndalatyn bolady.

Sonymen qatar, Qyzylorda oblysynyń ákimdigi, Energetıka mınıstrligi jáne «Qazgermunaı» BK» JShS óńirdiń áleýmettik-ekonomıkalyq damýyna baǵyttalǵan ınvestıtsııalyq jobany iske asyrý týraly memorandýmǵa qol qoıdy.

Memorandým boıynsha «Qazgermunaı» BK» JShS gaz daıyndaý qondyrǵylarynda basqa ken oryndarynda óndirilgen shıki gazdy óńdeý josparlanýda, bul ishki naryqqa suıytylǵan munaı gazyn jetkizý kólemin arttyrýǵa múmkindik beredi.

Bul yntymaqtastyq gaz salasyna ınvestıtsııa tartýǵa, Qyzylorda oblysyna suıytylǵan munaı gazyn turaqty jetkizýdi qamtamasyz etýge, jumys oryndaryn saqtaýǵa jáne oblys bıýdjetine salyq túsimderin ulǵaıtýǵa yqpal etpek.