«QazMunaıGaz» Barlaý Óndirý» AQ-da buryn jumystan shyǵarylǵan 2 myńǵa jýyq adam eńbekpen qamtyldy

ASTANA. 3 naýryz. QazAqparat - «QazMunaıGaz» Barlaý Óndirý» AQ-nyń eki jańa servıstik kásipornyn qurý nátıjesinde buryn jumystan shyǵarylǵan 2 myńǵa jýyq adam eńbekpen qamtyldy, dep habarlady kompanııanyń baspasóz qyzmetinen.

«Memlekettik organdardyń bastamasy boıynsha 2012 jyldyń basynda QMG BÓ eki jańa enshiles servıstik kompanııany qurdy. Bul buryn QMG BÓ-den jáne onyń qatysýyndaǵy birlesken bir kásiporynnan jumystan shyǵarylǵan 2000-ǵa jýyq adamdy eńbekpen qamtýǵa múmkindik berdi», - delingen habarlamada.

Kompanııanyń atap ótýinshe, bul shara «ÓzenMunaıGaz» kásipornynyń qalypty óndiristik qyzmetine yqpal ete otyryp, óndiris qýattylyǵyn damytýǵa jáne atalǵan óńirde áleýmettik turaqtylyqty qamtamasyz etýge aıtarlyqtaı úles bolyp tabylady.

«Atalǵan bastamanyń áleýmettik sıpatyn jáne Kompanııa barlyq aktsıonerleriniń múddesin esepke alý qajettiligin nazarǵa ala otyryp, QMG BÓ Dırektorlar keńesimen, Úkimettiń, «Samuryq-Qazyna» qorynyń jáne «QazMunaıGaz» ulttyq kompanııasymen aradaǵy keńesýlerdiń nátıjesinde, Atyraý munaı óńdeý zaýytyna jetkizetin munaıǵa sýbsıdııalyq baǵany 2012 jyly ulǵaıtý týrasyndaǵy kelisimge qol jetkizdi», - delingen aqparatta.