«QazMunaıGaz» baqylaý-ólsheý quraldary jáne avtomatıka óndirisi salasynda qazaqstandyq úlesti ulǵaıtý máselesi boıynsha keńes ótkizdi
Keńes jumysyna «QazMunaıGazdyń» enshiles kompanııalarynyń mamandary, baqylaý-ólsheý quraldary jáne avtomatıkanyń qazaqstandyq kásiporyndary óndirýshileriniń jetekshileri, atap aıtqanda, «Qazaqstan Injınırıng» UK AQ, «Tynys» AQ, «Gıdroprıbor» ǴZI AQ, «Kırov atyndaǵy Zaýyt» AQ, «Shneıder Elektrık» JShS, «Batys Qazaqstan mashına jasaý kompanııasy» AQ, «TREI - Qaraǵandy» JShS, «SAR Tehnologııa» JShS, taǵy basqa kompanııalardyń ókilderi qatysty. Bul týraly kompanııanyń baspasóz qyzmeti habarlady
Basqarma tóraǵasynyń orynbasary - «QazMunaıGaz» UK AQ basqarýshy dırektory Bolat Palymbetov QMG kompanııalary tobynyń qazaqstandyq úlesti ulǵaıtýdaǵy qyzmeti týraly baıandap, elimizde álemdik standart sapasyna saı keletin baqylaý-ólsheý quraldary jáne avtomatıka óndirisin arttyrý qajettigin atap ótti.
QMG kompanııalary tobynyń mamandary baqylaý-ólsheý jáne avtomatıka quraldaryna degen qajettilik týraly tehnıkalyq parametrleri kórsetilgen, qysqa jáne uzaq merzimdi aqparat usyndy. Elimizdiń munaı-gaz salasynda iri ınvestıtsııalyq jobalardyń júzege asyryla bastaýyna baılanysty baqylaý-ólsheý quraldary jáne avtomatıkanyń qazirgi zamanǵy túrlerine degen qajettiliktiń arta túskendigi atap ótildi. Sol sebepti otandyq taýar óndirýshiler básekege qabiletti ónim óndirýge baılanysty tıisti sharalar qabyldaýy tıis.
Qazaqstan kompanııalary tobynyń satyp alýy boıynsha jasalǵan taldaý mundaı taýar túrlerimen, sondaı-aq avtokólik quraldary, olardyń qosalqy bólshekteri, hımııalyq reagentter, sonymen birge baqylaý-ólsheý jáne avtomatıka quraldarymen otandyq taýar óndirýshilerdiń tolyqtaı qamtamasyz ete almaıtyndyǵyn anyqtap berdi. Al mundaı taýar túrlerin satyp alý kólemi óte mol.
Óz kezeginde qazaqstandyq kásiporyndardyń basshylary baqylaý-ólsheý quraldary jáne avtomatıka óndirisiniń búgingi jaǵdaıy, kásiporyndardyń múmkindikteri jáne óndiris oryndaryn odan ári ulǵaıtý josparlary jóninde baıandady.
Keńestiń qorytyndylary boıynsha QMG kompanııalary tobynyń baqylaý-ólsheý quraldary jáne avtomatıka otandyq óndirýshilerimen odan ári birlese qyzmet etý, sheteldik kompanııalarmen tehnologııalar transferti jáne munaı-gaz salasynda qajet baqylaý-ólsheý quraldary jáne avtomatıkanyń jańa túrlerin Qazaqstandaǵy, onyń ishinde qazaqstandyq kásiporyndarmen toptasyp óndirýdi oqshaýlaý máseleleri boıynsha kelissózder júrgizý týraly sheshim qabyldandy. Keńestiń qorytyndysy boıynsha qatysýshylar tıisti hattamaǵa qol qoıdy.