QazMunaıGaz atyn jamylǵan alaıaqtar kúmándi iske aqsha salýǵa shaqyryp júr
Kompanııa baspasóz qyzmeti taratqan málimetke qaraǵanda alaıaqtar Qazaqstan azamattaryn «QazMunaıGaz» ulttyq kompanııasyna qarjy salýǵa shaqyryp, arnaıy saıt ashqan.
Olar osy jaıynda vıdeo taratyp, halyqty munaı men gaz satyp, mol paıdaǵa kenelýge shaqyrady.
«QazMunaıGaz» ulttyq kompanııasy Qazaqstan azamattarynyń qarjysyn eshqandaı ınvestıtsııalyq jobalarǵa tartýǵa shaqyrmaıtynyn málimdeıdi. Taraǵan jalǵan jarnamalyq habarlandyrýǵa senbeńizder. Saq bolyńyzdar. Qandaı da bir áreket jasar aldynda aqparattyń ras-ótirigin anyqtap alyńyz» dep eskertedi ulttyq kompanııa.
Eske sala keteıik, «QazMunaıGaz» ulttyq kompanııasy óz qyzmeti týraly búkil aqparatty www.kmg.kz saıtynda, sondaı-aq áleýmettik jelidegi resmı paraqshalarynda ǵana jarııalaıdy.