QazMunaıGaz aktsııalaryn ІRO-ǵa shyǵarýǵa jol ashatyn qaýly shyqty
«Samuryq-Qazyna» ulttyq ál-aýqat qory» aktsıonerlik qoǵamy zańnamada belgilengen tártippen «QazMunaıGaz» ulttyq kompanııasy» aktsıonerlik qoǵamynyń ornalastyrylǵan aktsııalarynyń jalpy sanynyń 15,42 paıyzynan aspaıtyn, kompanııanyń 94 109 125 (toqsan tórt mıllıon bir júz toǵyz myń bir júz jıyrma bes) jaı aktsııasyn qordyń jalǵyz aktsıoneriniń sheshimimen bekitiletin qordyń dırektorlar keńesiniń sheshimimen aıqyndalatyn baǵa, san jáne qurylym boıynsha ıelikten shyǵarsyn» delinedi QR Premer-Mınıstri Álıhan Smaıylov qol qoıǵan qaýlyda.
Qaýly alǵashqy resmı jarııalanǵan kúninen bastap qoldanysqa engiziledi.
Aıta keterligi, taıaýda «Samuryq-Qazyna» AQ basqarma tóraǵasy Almasadam Sátqalıev qor «QazMunaıGazdyń» 30 505 974 jaı aktsııasyn satýǵa nıetti ekenin aıtqan edi.
Bul rette bir jaı aktsııanyń baǵasy shamamen 8 406 teńge bolmaq.
Foto: kmginternational.com