«QazMunaı Gaz» halyqaralyq ISO 9001, ISO 14001 jáne OHSAS 18001 standartyna sáıkes basqarýdyń ıntegratsııalyq júıesin engizdi
Qazaqstan Respýblıkasy Indýstrıaldyq-ınnovatsııalyq údemeli memlekettik baǵdarlamasyna saı jáne Qazaqstan Respýblıkasy Úkimetiniń 2010 jylǵy 22 qazandaǵy №1100 Qaýlysy negizinde «QazMunaıGaz» ıntegratsııalyq basqarý júıesin óziniń enshiles jáne táýeldi uıymdarynda halyqaralyq standarttar talaptaryna sáıkes damytyp, qoldaý kórsetip keledi.
2011 jyldyń 31 jeltoqsanyna deıin «QazMunaıGazdyń» 8 enshiles uıymy (onyń ishinde «QMG«Barlaý Óndirý» AQ, «QazTransOıl» AQ, «QazMunaıTeńiz» AQ, «Qaıta óńdeý jáne marketıng «QMG» AQ, «Kazmortransflot» AQ, «KazahoılAktóbe» JShS, «Qazaq munaı jáne gaz ınstıtýty» JShS, «Teńiz-Servıs» JShS) úsh standart boıynsha (ISO 9001, ISO 14001 ı OHSAS 18001) sertıfıkattaldy. Bes uıym («EvroAzııaEır» AQ, «QazTransGaz» AQ, «QazRosGaz» AQ, QBTÝ AQ, «QMG-Servıs» JShS) - ISO 9001 standarty boıynsha sertıfıkatqa ıe boldy.
Usynylǵan esepke sáıkes enshiles uıymdardyń kópshiliginde menedjment júıesin halyqaralyq standarttar talaptaryna sáıkes engizý protsesterdi jáne olardyń baılanystaryn jaqsartýǵa, protsess boıynsha jaýapkershilikti bólisýge múmkindik berdi.
2011 jyly «Semser-security» JShS OHSAS 18001 talaptary negizinde densaýlyq saqtaý jáne eńbek qaýipsizdigin qamtamasyz etý jónindegi júıeniń taralý aımaǵyn keńeıtti.
2012 jyly sáýir aıynda «QazMunaıGaz» UK AQ-nda kezekti resertıfıkatsııalyq aýdıt tabysty ótti. Ol «QazMunaıGazdyń» ıntegratsııalyq basqarý júıesin bekite tústi. Uıymdardy tekserý qorytyndysy boıynsha sáıkestik sertıfıkatyn taǵy da úsh jylǵa berý týraly sheshim qabyldandy.
Integratsııalyq basqarý júıesin oqytý boıynsha júıe engizilgen alty jylda QMG- niń 200-deı qyzmetkeri bilimin jetildirdi. Ústimizdegi jyldyń 21-22 mamyr kúnderi ótken jylǵydaı «QazMunaıGaz» «Samuryq-Qazyna» ulttyq ál-aýqat qorymen birlese otyryp enshiles kompanııalar men táýeldi uıymdar úshin menedjmenttiń ıntegratsııalanǵan júıesin jetildirý taqyrybyna semınar-keńes ótkizdi. Oǵan sertıfıkat jónindegi túrli organdardyń, Indýstrııa jáne jańa tehnologııa mınıstrligi tehnıkalyq úılestirý jónindegi komıtetiniń, konsaltıngtik uıymdardyń ókilderi shaqyryldy.
Ótkizilgen shara «dóńgelek ústelge» qatysýshylar tarapynan joǵary baǵalandy. Óıtkeni, onda menedjement júıesin damytý máseleleriniń problemalary ǵana emes, sondaı-aq energııany únemdeý boıynsha zańdylyqtardyń (ISO 50001) ózgeristeri turǵysyndaǵy júıeni jetildirýdiń jańa baǵyttary da qarastyryldy, ISO 19001 talabynyń jańa nusqasy qabyldanýyna baılanysty aýdıt protsesin jaqsartýdyń joldary talqylandy.