«QazMedTeh» kompanııasy satylymǵa shyǵaryldy

ASTANA. QazAqparat - QR Qarjy mınıstrliginiń Memlekettik múlik jáne jekeshelendirý komıteti QR Densaýlyq saqtaý mınıstrliginiń «QazMedTeh» aktsıonerlik qoǵamy aktsııalarynyń memlekettik paketi túrindegi memlekettik múlikti jarǵylyq kapıtaldan 100% mólsherinde keıinnen satyp alý quqyǵymen 3 jyl merzimge senimgerlik basqarýǵa berý boıynsha elektrondyq tender jarııalady, dep habarlaıdy QazAqparat. 

Qarjy mınıstrligi saıtynyń habarlaýynsha, tenderge qatysýshylarǵa qoıylatyn talaptardyń ishinde ınvestıtsııalar baǵdarlamasyn (kólemderi, túrleri jáne merzimderi boıynsha) usyný kórsetilgen.

Tender 2017 jylǵy 5 jeltoqsanda Astana qalasynyń ýaqyty boıynsha saǵat 10:00-de www.gosreestr.kz  memlekettik múlik tiziliminiń veb-portalynda ótkiziledi.

Oǵan qatysýǵa ótinim berý merzimi 2017 jylǵy 5 jeltoqsanda saǵat 8:00-de aıaqtalady.

Tenderdiń barlyq sharttaryn oryndaýǵa kelisken jáne obekt úshin eń joǵary baǵa usynǵan qatysýshy jeńimpaz bolyp tanylady.   Bastapqy baǵa 6 887 991 000 teńge dep kórsetilgen.
Aıta keterligi, «QazMedTeh» AQ qyzmetiniń negizgi túri - lızıng sharty boıynsha densaýlyq saqtaý uıymdaryna berý úshin medıtsınalyq tehnıkany satyp alýdy uıymdastyrý jáne júrgizý bolyp tabylady.