Qazaqstanda shujyq pen et ónimderiniń eksporty 54,5% ósti

<p>ASTANA. KAZINFORM &ndash; Qazaqstanda shujyq ónimderin, sondaı-aq soǵan uqsas et ónimderiniń óndirisi 2024 jylǵy qańtar-qyrkúıek aralyǵynda byltyrǵy sáıkes merzimge qaraǵanda 3,2% ósti. Osy ýaqyt ishinde otandyq kásiporyndar 51,9 myń tonna ónim óndirdi, bul 2023 jylmen salystyrǵanda 1,6 myń tonnaǵa artyq (50,3 myń tonna). Bul týraly Ulttyq statıstıka bıýrosy habarlady.</p>

Shujyq jáne et ónimderiniń eksporty 54,5% ósti. 2024 jyldyń alǵashqy toǵyz aıynda shetelge 315,6 tonna ónim jóneltildi, al 2023 jylǵy sáıkes kezeńde eksport 204,3 tonnany quraǵan. Eksporttyń negizgi kólemi Reseıge, Qyrǵyzstanǵa, Ózbekstanǵa jáne Katarǵa jiberligen.

Import 2,3% ósim kórsetti. Atalǵan kezeńde elge 34,4 myń tonnadan astam ónim ákelindi. Ónimder negizinen Reseıden, Belarýstan, Qyrǵyzstannan jáne Kanadadan keldi.

Qazaqstannyń ishki naryǵynda 2024 jyldyń alǵashqy 9 aıynda 86,1 myń tonna shujyq jáne oǵan uqsas et ónimderi satyldy, bul 2023 jyldyń tıisti kezeńimen salystyrǵanda 2,7% artyq (2023 j. qańtar-qyrk. – 83,8 myń tonna).

Buǵan deıin habarlanǵandaı, Qazaqstannyń eksportqa 12 mıllıon tonna astyq shyǵarýǵa múmkindigi bar.