KAZISS sanany jańǵyrtý joldaryn bir kitapqa jınaqtady
Atalǵan jınaqqa tanymal qoǵam qaıratkerleri men shetel sarapshylarynyń maqalalary, suxbattary jáne pikirleri endi.
«Mysaly, akademık Jabaıxan Ábdildın dıalektıka máselesin qozǵaıdy. Eski men jańanyń qarym-qatynasy qandaı bolýy kerek? Elbasynyń maqalasynda taptaýrynnan arylýymyz qajet degen másele kóterilip otyr. Al qazaqty artqa tartatyn qandaı taptaýryndar bar? Ol - jershildik nemese rýshyldyq. Osyndaı taptaýrynnan arylýymyz qajet. Biraq dıalektıkany qoldanbasaq, taptaýryn psıxologııadan arylý qıyn. Ǵalym Amangeldi Aıtaly bolsa, dindarlyq jáne ımandylyq jaıynda oı qozǵaıdy. Biz dindarlyq pen ımandylyqty ajyrata alamyz ba? Shyny kerek, keı kezde osy eki sózdi ajyrata bermeımiz. Imandylyq - barsha adamzatqa tán qasıetter. Al dindarlyqty kez kelgen adamnan talap ete almaımyz. Amangeldi aǵamyz ımandylyq jaıynda aıta kele, oryndy ári durys tujyrymdar jasaıdy. Mysaly, qazirgi jemqorlyqtan kúres ımandylyq turǵysynan tanylýy qajet. Óıtkeni «bireýdiń múlkin alma» degen - ımandylyqtyń birden-bir ustanymy», - dedi professor Ǵazız Telibaev búgin Astanada ótken baspasóz máslıxatynda.
Budan bólek, KAZISS Prezıdent Nursultan Nazarbaevtyń «Bolashaqqa baǵdar: Rýxanı jańǵyrý» maqalasynda kórsetilgen negizgi baǵyttar boıynsha anyqtamalyq-saraptamalyq jáne ádistemelik materıaldardy daıyndap, jańa jınaqqa engizdi.
«Qazirgi rýxanı jańǵyrý aıasynda ulttyq mádenıetimizdi naryqtyq báseke quralyna aınaldyrýymyz qajet. Negizi, kez kelgen memlekettiń tájirıbesine zer salsaq, mádenıet sol memlekettiń saıası-ekonomıkalyq, áleýmettik jańǵyrýynda úlken ról oınaǵan. Degenmen, kez kelgen memlekettiń mádenı jańǵyrý úlgisin kóshirip ala salýǵa bolmaıdy. Ol kınony ala ma, dástúrdi ala ma, ádet-ǵurypty ala ma, álde dástúrli mýzykasyn ala ma, bul - árbir memlekettiń óz tańdaýy. Sosyn kóptegen memleketterde mádenı jańǵyrý úderisi óziniń mádenı murasyna degen kózqarastyń tereńdeýimen erekshelenedi. Ol mádenıet arqyly óziniń básekege qabiletti ekenin kórsete alatyn deńgeıge jetedi. Kitapqa engen ǵalymdardyń negizgi oıy da osy», - dep atap kórsetti KAZISS bólim jetekshisi Alýa Joldybalına.
Aıta ketken jón, «Nursultan Nazarbaev - Bolashaqqa baǵdar: Rýxanı jańǵyrý» atty kitap 500 danamen basylyp otyr. Búginnen bastap atalǵan jınaqtyń elektrondy nusqasyn KAZISS-tiń resmı saıtynan júktep alýǵa bolady.