Qazirgideı jaǵdaıda eldiń eksporttyq áleýetin arttyrýǵa kúsh salǵan jón - Indýstrııa jáne saýda vıtse-mınıstri
Bul pikirdi búgin «Eldiń údetilgen ındýstrııalyq-ınnovatsııalyq damytýyn júzege asyrý joldary» atty taqyrypta ótken otyrysta Indýstrııa jáne saýda vıtse-mınıstri Nurbek Raev bildirdi, dep habarlaıdy QazAqparat.
Onyń pikirinshe, búginde ınvestıtsııalyq jobalardy júzege asyrýǵa barynsha jol ashqan jón. Al bul sharany kásipkerlersiz júzege asyrý múmkin emes. Óıtkeni jalǵyz memlekettiń oǵan múmkindigi jetpeıdi. «Sondaı-aq saýda saıasatynda ınvestorlarmen qandaı da bir kelissózder júrgizgen kezde biz osyǵan deıin 16 mıllıon tutynýshysy bar naryq jóninde sóz qozǵasaq, endi biz 160 mıllıon tutynýshysy bar naryq týraly aıta alamyz. Bul jaǵdaıdy kúrt ózgertip otyr. ıAǵnı bizge elimizdiń eksporttyq áleýetin arttyrýǵa barynsha kóńil bólip, jaqyn elderdegi naryqtardy jaýlap alýǵa tyrysý qajet. Bul biz úshin qaýip-qater emes, kerisinshe múmkindik», dedi vıtse-mınıstr.