Qazirgideı qıyn sátte halyqty sabyrǵa shaqyramyn – senat depýtaty

NUR-SULTAN. QazAqparat – Eldegi jaǵdaıǵa qatysty QR Parlamenti Senatynyń depýtaty Ábdáli Nuralıev eldi aýyzbirshilikke shaqyrdy, dep habarlaıdy QazAqparat tilshisi.

«Elimizde sońǵy kúnderi bolyp jatqan qaraly oqıǵa barsha azamattardyń qabyrǵasyn qaıystyrdy. Memleket basshysy Qasym-Jomart Toqaev óziniń konstıtýtsııalyq mindetterin júzege asyrý barysynda keshendi sharalar qabyldap otyr», - dedi Ábdáli Nuralıev.

Halyq qalaýlysynyń málimdeýinshe, dál qazir bizdiń el úshin aýyzbirshilik aýadaı qajet.

«Biz sol qabyldanyp jatqan sheshimdermen kelisemiz jáne soǵan barynsha qoldaý kórsetemiz. Qazirgideı qıyn sátte el azamattaryn, baýyrlarymyzdy jáne jalpy halyqty sabyrǵa shaqyramyn. Elimizdiń birligi, yntymaǵy eshqashan joıylmaý kerek. Táýelsiz memleketimiz máńgilik bolý kerek», - deıdi ol.