Qazirgi jaǵdaıda azyq-túlik qaýipsizdigi eldi órkendetýdiń basty sharty - Prezıdent

ASTANA. QazAqparat – Astanada ótip jatqan Úkimettiń keńeıtilgen otyrysynda Prezıdent Qasym-Jomart Toqaev azyq-túlik qaýipsizdig máselesi jóninde pikir bildirdi, dp habarlaıdy QazAqparat.

«Byltyr 83 myń tonna nemese 77 paıyz ónim saqtaıtyn qoıma salý kózdelgen edi. Alaıda jospar 64 myń tonnaǵa ǵana oryndaldy. Bıyl jumys birshama jandana tústi. 98 myń tonnalyq qoıma salý josparlanyp, sonyń 87 myń tonnasy qazirdiń ózinde iske qosyldy. Degenmen bul baǵyttaǵy sharýany áli de shırata túsý kerek»,-dedi Prezıdent.

Bul rette Memleket basshysy qazirgi jaǵdaıda azyq-túlik qaýipsizdigi eldi órkendetýdiń basty sharty ekenin túsiný qajettigin aıtty.

«Agroónerkásip keshenin damytý, ásirese aýyl sharýashylyǵy ónimderin óńdeý – Úkimet pen ákimder úshin basty basymdyq bolýǵa tıis», dedi Prezıdent.