Qazirgi zamanǵy óner murajaıynda «Olar Otan úshin shaıqasty» kórmesi ashyldy
Murajaı eksponattary soǵys jyldaryna arnalǵan. Kelýshiler nazaryna kórkemdik jáne tarıhı qundylyǵy joǵary 1943-2010 jyldary salynǵan 59 óner týyndysy usynylady. Atap aıtqanda, soǵys jyldaryndaǵy 27 kórkem keskindi polotno, 23 grafıkalyq paraq, 5 músin men plakattar reprodýktsııasy qazirgi zamanǵy ónerdiń ár alýan janrynda jasalǵan. Biregeı kórmege túrli býyndaǵy sýretshilerdiń shyǵarmalary qoıylady. Aıta keteıik, sol jyldardaǵy óner týyndylary tarıhı qujattar bolyp tabylady. Olar urystar arasyndaǵy tynyshtyq kezinde este qalǵan sýretterdiń, nobaılar men kúndelikterdiń negizinde paıda bolǵan, sıýjetterde kóbinese ómirbaıandar jazylǵan. Kórmege maıdanger Nıkolaı Gaevtyń «Ballada o panfılovtsah» eńbegi, Qaz KSR eńbek sińirgen óner qaıratkeri Aleksandr Drozdovtyń «Soǵys týraly estelikter» serııasyndaǵy «Posle bombejkı», «Artpodgotovka», «Po frontovym dorogam», Reseı Sýretshiler odaǵynyń múshesi Amanjol Mýsalımovtyń «Zemlıanka nasha v trı nakata» jáne «Pýst soldaty nemnogo pospıat», «Partızan» («Qasym») portreti, sondaı-aq reseılik sýretshiler ıÝrıı Nerodanyń «Partızan-sıbırıak», Vasılıı Tımofeevtiń «Geroı shtýrma Reıhstaga Rahımjan Koshkarbaev» portreti, Ivan Pershýdchev pen ıÝrıı Nerodanyń «Marshal Konev», «Partızan-sıbırıak», «Álııa» jáne «Mánshúk» atty músindik portretteri t.b. eńbekter qoıylǵan. Budan basqa, ekspozıtsııada surapyl soǵys jyldary senimdi tyldy qamtamasyz etken qazaqstandyq áıelderdiń, qarttar men balalardyń eren eńbegine arnalǵan bólim ashyldy. Esterińizge sala keteıik, kórme 10 mamyrǵa deıin jalǵasady.