Qazirgi zaman ádebıetinen 69 kitap qazaq tiline aýdarylady

ASTANA. 21 qarasha. QazAqparat - Elordada qazaq tiline aýdarý úshin ózekti kitaptardy anyqtaý baıqaýynyń eksperttik keńesi 69 kitapty tańdady. Bul týraly búgin «100 kitap - 100 knıg» baıqaýyna oraı ótkizilgen baspasóz máslıhatynda belgili boldy.

15 qarashada www.100kitap.kz saıtynda qazaq tiline aýdarýǵa usynylǵan qazirgi zamanǵy ádebıettiń ózekti shyǵarmalaryn anyqtaý boıynsha onlaın daýys berý aıaqtaldy. 19 qarashada baıqaýdyń arnaıy keńesi budan ári aýdarylatyn 100 kitaptyń aqyrǵy tizimin bekitti. Reıtıng boıynsha - «Vlastelın kolets», «Zelenaıa mılıa», «Nad propastıý vo rjı» kitaptary kósh bastap tur, dep habarlady astana kz.

«Baıqaýda irikteýge usynylǵan tizimge qazirgi zamanǵy ádebıettiń 492 shyǵarmasy engizildi. Bul kitaptar jaı alynǵan joq. Biz sońǵy 60 jylda, ıaǵnı 1950 jyldan beri ádebıetten Nobel, Býkerov jáne t.b. syılyqtary sııaqty bedeldi marapattardy ıelengen kitaptardy bastapqy tizimge engizip, ony arnaıy resýrsta ornalastyrdyq. 15 qarashada baıqaýdyń birinshi kezeńi aıaqtaldy. Nátıjesinde 8 sanat boıynsha 100 kitaptyń aldyn ala tizimi jasaldy. Al ekinshi kezeńde mádenıet, óner, ádebıet ókilderinen arnaıy eksperttik keńes quryldy. Tizim sarapshylardyń qaraýyna jiberildi. 69 kitap maquldandy, 3 kitap alynyp tastalsa, qalǵan 28-i úlken pikirtalas týdyrdy», - dedi «S.A.R. taldaý jáne boljaý ortalyǵy» QQ tóraǵasy Oleg Sek.

Eske salaıyq, Memleket basshysy N.Á.Nazarbaev 2012 jylǵy 14 jeltoqsandaǵy Qazaqstan halqyna joldaýynda qazirgi zamanǵy tilde kem degende, júz kitaptyń tizimin jasaýdy jáne olardy qazirgi zamanǵa saı qazaq tiline aýdarý týraly jańashyl ıdeıany usynǵan bolatyn. Bul qalyń oqyrman ortasynda qazaq tilin aıtarlyqtaı dárejege baıytýǵa jáne áıgileýge múmkindik beredi.