Qazirgi urylar «talantty» - Jaqyp Asanov

ASTANA. QazAqparat - QR Bas prokýratýrasy men Іshki ister mınıstrligi urlyqpen kúrestiń Jol kartasyn ázirledi.

Bul týraly búgin  Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń otyrysynda QR Bas prokýrory Jaqyp Asanov aıtty.

«Urlyqpen qalaı kúresý kerek? Ol úshin bir  Amerıka  ashyp,  velosıped oılap tabýdyń qajet joq. Dúnıejúzinde tehnologııalar kóp. Búkil álem ony oılap tapqan, kamera, dabyl júıesi, ІMІ-kod, aıta berseń neshe túrli ozyq tásilder bar. Urylar burynǵydaı emes, qýlanǵan. Olar óte «talantty», «daryndy». Solarmen durys kúresý úshin qoǵamdy biriktirý kerek»,-dedi Jaqyp Asanov.

Bas Prokýror urlyqpen kúresýdiń Jol kartasy əzirlengenin atap ótti.

«Ol (Jol kartasy - agenttik) - 46 naqty tarmaqtan turatyn qujat. Ony Bas prokýratýra men Іshki ister mınıstrligi ázirledi»,-dedi Asanov.