Qazirgi kezeń – ózgerister men irgeli izdenister kezeńi - Saǵyntaev
«Búgin bizdiń áńgimemizdiń ult rýhanııatynan, óskeleń urpaqtyń boıynda ulttyq qundylyqtardy durys tárbıeleý máselesinen bastalǵany óte oryndy»,- dedi ákim.
Qala basshysy Almatynyń zııalylary qazirgi kezeńde rýhanı damýdyń jańa paradıgmasyn qalyptastyrýda óte uqypty ári eleýli jumysty qalaı durys qurý týraly óz paıymdaýymen bólisetinine senim bildirdi.
«Joldaýda Memleket basshysy «qazaq zııalylarynyń jańa kezeńdegi mindeti – ult bolmysynyń jańa qaǵıdattaryn ornyqtyrý» dep qashan da el aınasynyń ólshemi, baǵyt-baǵdary bolyp tabylatyn zııaly qaýymnyń mindetin taıǵa tańba basqandaı anyq kórsetken.
Shynynda da, álemniń ózgergenin kórip otyrmyz. Qazirgi kezeń – ózgerister men serpilister, irgeli izdenister kezeńi. Kez kelgen ultqa udaıy jańaryp, jańǵyryp otyrý tán«,- dedi ol.
Almaty ákimdiginiń pandemııadan túıgeni – bul ulttyń jańa sapasy, onyń básekege qabilettiligi men ıntellektýaldyq áleýeti, eń aldymen:
- densaýlyq saqtaý júıesine;
- bilim berý júıesine;
- aýqymdy tsıfrlandyrý arqyly ınnovatsııaǵa ashyqtyqqa;
- ulttyń ýaqyt talabyna beıimdelý qabiletine jáne ótkeni, búgingisi men bolashaǵy úshin óziniń joǵary jaýapkershiligin túsinýine baılanysty.
»Bul jumys úshin negiz bar. Onyń negizi Elbasynyń 5 ınstıtýtsıonaldyq reformany iske asyrý jónindegi Ult josparynda, sondaı-aq «Rýhanı jańǵyrý» qoǵamdyq sanany jańǵyrtý baǵdarlamasynda qalandy. Birinshiden, Almaty úshin qala turǵyndarynyń densaýlyǵyn saqtaý máselesi óte mańyzdy, óıtkeni memleket pen qoǵamnyń basqa da mańyzdy faktorlary densaýlyq pen ómir sapasyna tikeleı baılanysty. Muny pandemııa aıqyn kórsetti. Búginde indet tolqynyn aýyzdyqtaǵannan keıin jaǵdaı turaqtaldy. Aýrý juqtyrý qarqyny da, aýqymy da tómendedi. Bul búkil memlekettiń úlken jumysynyń nátıjesi. Biz qalada pandemııanyń kúzde qaıta bastalýyna daıynbyz. Jaǵdaı maýsymdyq tumaý men jedel respıratorlyq vırýstyq ınfektsııa aýrýynan ýshyǵýy yqtımal. Jalpy, Almatyda densaýlyq saqtaý júıesin qoldaýǵa jáne indetpen kúresýge 68 mlrd teńge bóldik. Bul qarajat qosymsha ınfektsııalyq jáne provızorlyq statsıonarlardy uıymdastyrýǵa, dári-dármektermen, medıtsınalyq jabdyqtarmen jáne jeke qorǵaný quraldarymen qamtamasyz etýge, medıtsına qyzmetkerlerin jatyn orynmen, ystyq tamaqpen qamtamasyz etýge jáne olarǵa ústemeaqylar men ótemaqylar tóleýge jumsaldy«,- dedi ákim.
Onyń aıtýyna, ulttyń jańa sapasy, jahandyq synaqtar kezeńinen shyǵý serpilisi, halyqtyń rýhanı jáne dúnıetanymdyq densaýlyǵy bilim berý júıesinsiz múmkin emes.
«Almatyda biz aýqymdy tsıfrlandyrýǵa kóshe bastadyq. Qalanyń barlyq oqýshylaryn onlaın qashyqtan oqytý úshin jalpyqalalyq «Sfera» platformasy quryldy. Oqýshylarǵa arnalǵan jańa tsıfrlyq bilim berý kontenti daıyndaldy. Oqytýshylar quramy oqýdan ótti.
Sonymen qatar, barlyq balalarǵa, eń aldymen az qamtylǵan otbasylarǵa qajetti noýtbýk men planshetter satyp alyndy.
Biz jastardyń ınnovatsııalarǵa ashyqtyǵyn qalyptastyrýǵa basa nazar aýdaramyz. Arnaıy tsıfrlandyrý basqarmasyn qurdyq. 2025 jylǵa deıin tsıfrlandyrýdyń qoldanbaly strategııasy ázirlendi«, - dedi B. Saǵyntaev.
Aıta keteıik, búgin Almatyda Dostyq úıinde zııaly qaýym ókilderi el Prezıdentiniń Qazaqstan halqyna Joldaýyn talqylap jatyr.