Qazir tek ishki týrızm ǵana jandanady degen úmit bar – Rashıda Shaıkenova
«Koronavırýsqa qatysty ahýal bizdiń ahýalǵa da áserin tıgizbeı qoıǵan joq. Biz epıdahýaldyń saldaryn 2019 jyldyń jeltoqsanynda-aq sezine bastadyq. Týrıstik salada shaǵyn jáne orta bıznes basym ekeni bárine málim. Qazir týrıstik sala qaırańdap qalǵanyn joǵary deńgeıde túsinip otyr», - dedi onlaın baspasóz máslıhaty kezinde QR Týrıstik qaýymdastyǵynyń dırektory Rashıda Shaıkenova.
Onyń aıtýynsha, qazir osyndaı aýyr kúnderdi álemniń týrıstik ındýstrııasy basynan keshirip jatyr.
«Qazir tek ishki týrızm ǵana jandanady degen úmit bar. Sebebi, karantınnen zerikken adamdar Qazaqstan óz ishinde saıahattaýdy uıǵarady dep úmittenemiz. Alaıda, asa senimdi emespiz. Sebebi devalvatsııa men ınflıatsııa tutynýshylardyń demalysqa degen qarajatyn basqa jaqqa jumsaýyna yqpal etetini sózsiz. Alaıda, Alakól sııaqty taǵy basqa shıpajaılyq kýrortty oryndarǵa, ońaltý sharalaryna suranys bolýy múmkin», - dedi R.Shaıkenova.
QR Bas sanıtarlyq dárigeriniń qaýlysynda týrısterge arnalǵan PTR testi anyqtamasyn alý týraly tarmaq bar.
«Bul anyqtamanyń jaramdylyǵy 7 kún ǵana. Al adamdar 7 kúnnen artyq ýaqyt demalýǵa barady. Osy jerde suraq týady. Demalysqa kelgen adamdar sol jerde taǵy 7 kúnge anyqtama alýy kerek pe? Bul suraqqa jaýap joq. Salalyq ózgeshelikterge baılanysty bul qaýlyǵa ózgeris engizý týraly Bas sanıtarlyq dárigerge usynyspen shyqpaqpyn», - dedi ol.