Qazir Reseıden kólik satyp alý tıimdi me – sarapshylar pikiri

ALMATY. QazAqparat - «Astana motors» kompanııasynyń bas dırektory Beknur Nesipbaev Almatyda ótken brıfngte rýbldiń quldyraýy jaǵdaıynda Reseıden kólik satyp alý tıimdi me? degen suraqqa jaýap berdi, dep habarlaıdy QazAqparat tilshisi.

«Qazir teńge baǵamyn baqylap otyrmyn. Meniń oıymsha, 2015 jyly jiberilgen qatelikter qaıtalanbaıtyn shyǵar. 2015 jyly rýbl qunsyzdanyp, teńge nyǵaıdy, sáıkesinshe, osynyń aıasynda kólikti Reseıge baryp, satyp alý tıimdi boldy. Qazir rýbl qunsyzdanyp, onymen birge teńge de quldyrap jatqanyn kórip otyrmyz. Tıisinshe, eger araqatynas 5-ten 6-ǵa deıin bolsa, onda Reseıge barýdyń qajeti joq. Eger odan tómen bolsa, árıne, qarajat Reseı Federatsııasyna ketedi», - dedi bas dırektor Beknur Nesipbaev.

Qazaqstan avtomobıl bıznesi qaýymdastyǵynyń strategııalyq damý jónindegi dırektory Qaırat Elamanov 2015 jyly teńgeni ustap turý kezinde kólikpen aınalysatyn kompanııa 30% kirisin joǵaltty.

«El Úkimeti bul joly mundaı qatelik jibermeıdi dep senemin», - dedi spıker.

Aıta keteıik, 24 aqpanda Ýkraına tóńiregindegi jaǵdaıdyń shıelenisýi aıasynda rýbl baǵamy kúrt tómendep ketti.