Qazir dúnıejúzi bizdiń elge qarap otyr– Nurlan Orazalın
Aqyn búgingi saılaýda Qazaqstan halqy judyryqtaı jumylyp, óz konstıtýtsııalyq quqyǵyn paıdalanýy kerek ekenin aıtty.
«Kez kelgen saılaýdyń tarıhı sıpaty bolady. Búgingi saılaýdyń basqa saılaýlardan jóni bólek. Sebebi, shynymen eger demokratııalyq qundylyqty baǵalaıtyn bolsaq qazir mol múmkindik berilip jatyr. Bul shyn maǵynasyndaǵy saılaýdyń jańa úlgisi dep baǵalaýymyz kerek. Qazir dúnıejúzi bizdiń elge qarap otyr. Sondyqtan Qazaqstan halqy judyryqtaı jumylyp, óz konstıtýtsııalyq quqyǵyn durys paıdalanýy kerek dep esepteımin», - dedi Nurlan Orazalın.
Ol óz kóńilinen shyqqan partııa men el erteńi úshin eńbek etip júrgen azamattarǵa daýys bergenin jetkizdi.
«Men óz oıymda júrgen, kóńilimde júrgen oılarymdy aıtqan partııaǵa daýys berdim. Ony ózim bilemin. Al endi jalǵyz mandatty kandıdattardyń ishinde belgisiz azamattar kóp eken. Maǵan tańdaý qıyn boldy. Degenmen, olardyń arasynda eldiń erteńi úshin eńbek etip júrgen azamattar bar, men solarǵa daýys berdim. Bizdiń saqtanatyn bir nársemiz bar – ol jeń ushynan jalǵasyp ketpeı, shyn júırikterdi tańdaı bilsek, Jańa Qazaqstannyń alǵa qoıǵan maqsaty men muratyn oryndaımyz dep oılaımyn. Men Jańa Qazaqstan úshin, bolashaq urpaǵymyz myqty, tekti bolýy úshin daýys berdim», - dedi aqyn Nurlan Orazalın.