Qazir ár adam qolynan kelgenshe kómek kórsetýi tıis - Islam Baıramov

NUR-SULTAN. QazAqparat - «Nur Otan» partııasy jastar qanatynyń ortalyq keńesiniń múshesi Islam Baıramov Qazaqstan Respýblıkasynyń Prezıdenti Qasym-Jomart Toqaevtyń áskerı mindettilerdi arnaýly jıynǵa shaqyrý týraly jarlyqqa qatysty pikir bildirdi, dep habardaıdy QazAqparat tilshisi.

«Basqa elderdegideı, bizdiń elge de ońaı soǵyp jatqan joq. Osyny bári túsinýi kerek. Bárimizge birigip, kúsh biriktirýimiz kerek. Memleket basshysy aıtqandaı, kúsh biriktire otyryp koronavırýs pandemııasymen kúresýimiz qajet», - deıdi Islam Baıramov.

Onyń aıtýynsha, arnaýly jıyndy jappaı jumyldyrýmen shatastyrmaý kerek

«Arnaýly jıyn eń aldymen koronavırýspen kúresýge baǵyttalǵan. Sáıkesinshe, olar vırýstyń saldaryn joıyp, ómirlik qıyn jaǵdaıǵa tap bolǵan adamdarǵa kómektese alady. Olar sý tasqynyna qatysty jumystarmen aınalysýy múmkin, osynyń bárin túsinip, óz úlesimizdi qosýymyz kerek», - deıdi ol.

Islam Baıramov qazirgi jaǵdaıda árkim shama-sharqy jetkenshe halyqqa kómektesýi qajettigin basa aıtty.

«Kópshiligimiz úıde bolyp, múmkindiginshe eshqaıda shyqpaýǵa tyrysýymyz kerek. Áskerı mindettiler de kómektesýleri kerek. «Nur Otan» partııasy jastar qanaty da «Bizbirgemiz» qozǵalysy aıasynda kómektesedi.100-den astam otbasy aldymen kerekti azyq-túlikpen, antıseptık jáne maskamen qamtamasyz etilip qoıdy. Biz volonterlerdi daıyndap, azyq-túlik jetkizýge kómektestik», - deıdi Islam Baıramov.

Eske sala ketsek, 2 sáýirde Qazaqstan Prezıdenti áskerı mindettilerdi arnaýly jıynǵa shaqyrý týraly Jarlyqqa qol qoıǵan bolatyn.