Kazınoǵa mol aqsha uttyrǵan sheneýnikter ishinde Qarjy monıtorıngi agenttiginiń ókilderi de bar

ASTANA. QazAqparat – Kazınoǵa 507 mln teńge uttyrǵan memlekettik qyzmetkerler arasynda Qarjy monıtorıngi agenttiginiń qyzmetkeri bolǵan. Bul týraly ortalyq kommýnıkatsııalar qyzmetinde ótken brıfıngide aıtyldy, dep habarlaıdy QazAqparat tilshisi.

«Qazan aıynda 300-den astam memqyzmetker kazınoǵa 500 mln teńgeden astam aqsha uttyrǵany aıtylǵan edi. Solarǵa qandaı shara qoldanylyp jatyr?» dep surady BAQ ókili brıfıngide.

Qarjy monıtorıngi agenttigi kadrlyq jumys departamentiniń dırektory Nurlan Adalıevtiń aıtýynsha, atalǵan fakti boıynsha tıisti memlekettik organdar qyzmetitk tergeý júrgizip jatyr.

Olardyń arasynda agenttik ókilderi de bar kórinedi.

«Shynymen de atalǵan sholýda agenttiktiń birqatar qyzmetkeri ataldy. Búkil derekter boıynsha qyzmettik tergeý júrgizildi. Tórt qyzmetker ol jerde qyzmet babymen júrgen. Zańda ondaı másele kózdelgenin bilesizder. Biz tıisti tergeý júrgizdik. Eki qyzmetkerdiń faktisi rastaldy. Olar qyzmetke tolyqqandy saı kelmeıtini týraly eskertý túrinde qatań ákimshilik jaýapqa tartyldy», - dedi departament dırektory.

Onyń aıtýynsha, agenttiktiń osy iste aty atalǵan ózge qyzmetkerleri oqıǵa kezinde vedomstvoda jumys istemeıtin.