Kazıno aldynda polıtseılerdi balaǵattaǵan adam qamaýǵa alyndy

<p>ALMATY. KAZINFORM - Qonaev turǵynynyń polıtseılerge qarsy is-áreketi tártip saqshysynyń vıdeojetonyna túsip qalǵan.</p>

Almaty oblysy Polıtsııa departamentiniń málimetine sáıkes, 23 mamyr kúni patrýldik polıtseıler Qonaev qalasynda ornalasqan oıyn-saýyq mekemesinde qoǵamdyq tártipke qaýip tóndirip, mas kúıinde júrgen er adam týraly habarlama boıynsha oqıǵa ornyna barǵan.

Kelgen kezde turǵyn polıtsııa qyzmetkerlerin balaǵattap, qarsy is-áreket jasaǵan. Sondyqtan tártip saqshylary mas azamatty tutqyndady. Er adam polıtsııa qyzmetkerleriniń zańdy talaptaryna baǵynbaǵany jáne buzaqylyq jasaǵany úshin jaýapqa tartyldy. Sot sheshimimen quqyq buzýshy 7 táýlikke qamaýǵa alyndy.

«Bizdiń tártip saqshylarymyz kórsetken kásibılik pen ustamdylyq aýyr zardaptardyń aldyn aldy. Biz árqashan janjaldy jaǵdaılardy barlyq qatysýshy úshin eń az táýekeldermen sheshýge tyrysamyz», – dedi Qonaev qalalyq Polıtsııa basqarmasynyń bastyǵy Ulan Sadyqov.