Kazinform tilshisi «Úrker» ulttyq syılyǵyna nomınant boldy
Ulttyq báıge 12 nomınatsııa boıynsha ótkizildi. Baıqaýǵa barlyǵy 400 ótinim kelip tústi. Úzdik jumystardy bedeldi jýrnalıster men medıa menedjerlerden quralǵan qazylar alqasy anyqtady.
«Úrker» — 2024 Ulttyq báıgesiniń jeńimpazdary 27 qyrkúıek kúni belgili bolady. Laýreattardy marapattaý rásimi Astana qalasy «Qazmedıa» ortalyǵynda ótedi.
Jeńimpazdarǵa «Úrker» estelik músinshesi jáne bir mıllıon teńge mólsherindegi aqshalaı syılyq tabystalady.
Baspa, radıo, ınternet-jýrnalıstıka salasyndaǵy jetistikteri úshin beriletin qazaqstandyq ulttyq «Úrker» syılyǵy talantty jýrnalıster men shyǵarmashylyq ujymdardy anyqtaý, olardyń kásibı jýrnalıstıkany damytýǵa qosqan úlesin moıyndaý jáne olardyń shyǵarmashylyǵyna qoǵamnyń nazaryn aýdarý maqsatynda 2017 jyly taǵaıyndalǵan.
Aıta keteıik, «Áleýmettik taqyryptaǵy úzdik materıal» nomınatsııasynda Kazinform tilshisi Araılym Murat úmitkerler qataryna ilikken.