Kazinform tilshisi taý shańǵy sportynan júldeli oryn aldy
Jarysty uıymdastyrýshy Halyqaralyq jýrnalıster-shańǵyshylar klýbynyń (SCIJ Kazakhstan) málimetinshe, 20-dan astam BAQ ókili qatysqan jarys BONNE tártibi boıynsha «Qaraqal - 7» taý shańǵy trassasynda ótken.
«Ókinishke qaraı, shańǵymen qulaǵan ul-qyzdar kezdesti. Alaıda baqytymyzǵa oraı eshkim jaraqat alǵan joq. Bıyl birneshe jas sanaty bolǵan soń, qatysýshylardyń kópshiligi taý shańǵy jarysynda alǵash ret jeńis tuǵyrynan kórindi», - dep habarlady klýbtyń baspasóz qyzmeti.
Jarystyń qorytyndysy boıynsha áriptesimiz, Almaty qalasyndaǵy menshikti tilshi Elaman Turysbekov 18-35 jastaǵy erler arasynda júldeli úshinshi orynǵa ıe boldy.
«Jarys óte joǵary deńgeıde ótti. Qatysýshylar sany kóp boldy jáne básekelestik te sezildi. Shyny kerek, ózimdi jeńimpazdar qatarynan kóremin dep oılamadym. Sebebi arnaıy daıyndyq bolmady jáne qarsylastarymnyń da deńgeıi áldeqaıda joǵary boldy. Men ózim shańǵy tebýdi 1 jyl buryn bastadym, byltyr osy jarysqa qatysyp júldesiz qalǵan bolatynmyn. Endi bıyl baǵymdy taǵy bir ret synap kóreıin dep sheshtim. Nátıjesinde 18 jastan 35 jasqa deıingi erler arasynda úshinshi orynǵa ilindim. Óte qýanyshtymyn. Aldaǵy ýaqytta da osyndaı jarystarǵa qatysyp turýǵa tyrysamyn», - deıdi Elaman.
Áriptesimiz Elaman Nurtasulyn júldeli bolýymen quttyqtaı otyryp, eńbegi eselenip, bıik belesterdi baǵyndyra berýge tilektespiz.