Kazinform fotografy Qytaıdaǵy «Jylqy fotosýreti» baıqaýynda úzdikter qatarynan kórindi

<p>ASTANA. KAZINFORM - QazAqparat fotografy Maqsat Shaǵyrbaıdyń eki sýreti Qytaıda ótken &laquo;Jylqy fotosýreti&raquo; baıqaýynda úzdikter qatarynan kórindi.</p>

Jaqynda Qytaıdyń Sılınhot qalasynda «Fenıks kýbogy» atty 4-shi halyqaralyq jylqy fotosýretteri baıqaýy ótti.

Bul fotosýret baıqaýyn Qytaı jylqy qaýymdastyǵynyń fotograftar fılıaly men Sılınhot jylqy ónerkásibin damytý ortalyǵy birlesip uıymdastyrady.

Baıqaýdyń maqsaty — jylqy salasynyń órkendeýine yqpal etý jáne jylqy taqyrybyna arnalǵan fotosýretterdi nasıhattaý.

Baıqaý 2017 jyldan beri ótkizilip keledi jáne osy ýaqytqa deıin tórtinshi ret ótkizilip otyr.

Bul baıqaýǵa QazAqparat fotografy Maqsat Shaǵyrbaıdyń eki sýreti qatysty.

Foto: Maqsat Shaǵyrbaı / Kazinform

Foto: Maqsat Shaǵyrbaı / Kazinform

Eki fotosýret te úzdik sýretter qataryna ilindi.

Foto: Maqsat Shaǵyrbaı / Kazinform

Foto: Maqsat Shaǵyrbaı / Kazinform

Fotosýretterdiń biri «Derekti fotosýret» sanatynda, ekinshisi «Kórkem fotosýret» sanatynda baıqaýǵa qatysqan edi.