Qazyǵurttyq kásipker shaǵyn tsehta 60 adamdy jumyspen qamtyp otyr

<p>TÚRKІSTAN. KAZINFORM - Qazyǵurt aýdanynyń kásipkerlik salasy qarqyndy damyp keledi. Memleket tarapynan kórsetilip jatqan kómekter men qoldaýlardy utymdy paıdalanyp júrgen qazyǵurttyq kásipkerler túrli baǵytta ónimder shyǵarýda. Sonyń biri &mdash; Turbat aýyl okrýginde ornalasqan &laquo;Bahodır Safir Paint&raquo; kásiporny.</p>

Jeke kásipker zamanǵa saı qurylysqa qajetti materıaldar shyǵarýdy qolǵa alǵan. Atap aıtqanda, brýschatka, penoplast, suıyq travertın, emýlsııa, termopanel, arhıtektýralyq dekorlar daıyndaýmen aınalysady.

Foto: Qazyǵurt aýdany ákimdigi

Atalǵan óndiris ornynda 45 adam turaqty, 20 adam jaldamaly tártippen jumys isteıdi. Onda jylyna 100 myń sharshy metr – brýschatka, 25 kelilik 10 myń shelek – travertın, 20 kelilik 5 myń shelek – emýlsııa boıaýy, 20 myń sharshy metr – arhıtektýralyq dekor, 25 myń tekshe metr – penoplast, 40 myń sharshy metr – termopanel-polıfasad óndiriledi. 

Aýdan ákimi Azızhan Azımhanuly óndiris ornyn aralap, jasap jatqan taýarlarynyń túrlerin kórip, oń baǵasyn berdi. Kásiporyn ıesimen kezdesip, jumys barysyn talqylady. Kásipker óz kezeginde óndiris orynyn keńeıtýdi kózdep otyrǵanyn aıtyp, aldaǵy jumys josparymen bólisti. 

Aýdan basshysy kásipkerdiń josparyn maquldap, jan-jaqty qoldaýǵa daıyn ekenin jetkizdi.